ఇలా బడ్జెట్ అంచనాలు భారీగా ఉండటంతో నాని - సుజీత్ సినిమా ఆరంభంలోనే సందిగ్ధంలో పడిపోయింది. అయితే, బడ్జెట్ విషయంపై డైరెక్టర్, మేకర్స్ మధ్య మరిన్ని చర్చలు జరిగే అవకాశం ఉంది. ప్రస్తుతానికైతే ఈ మూవీ దాదాపు హోల్డ్‌లోనే ఉందని తెలుస్తోంది. మరి నాని - సుజీత్ క్రేజ్ ప్రాజెక్ట్ ఇబ్బందులను దాటి సెట్స్‌పైకి వస్తుందా అనేది చూడాలి.వివేక్ ఆత్రేయ దర్శకత్వంలో నాని చేస్తున్న 'సరిపోదా శనివారం' సినిమా షూటింగ్ దాదాపు ముగింపు దశకు చేరుకుంటోంది. ఈ యాక్షన్ థ్రిల్లర్ మూవీ క్లైమాక్స్ చిత్రీకరణ జరుగుతున్నట్టు ఇటీవలే మేకర్స్ అప్డేట్ ఇచ్చారు. అయితే, ఈ మూవీని కూడా నిర్మిస్తున్నది నిర్మాత డీవీవీ దానయ్యే. 'అంటే సుందరానికి' తర్వాత నాని - వివేక్ కాంబో రిపీట్ అవుతుండటంతో ఈ మూవీకి మంచి క్రేజ్ ఉంది.
సరిపోదా శనివారం కూడా పాన్ ఇండియా రేంజ్‍లో రిలీజ్ కానుంది. డిఫరెంట్ కాన్సెప్ట్‌తో ఈ చిత్రం వస్తోంది. ఆగస్టు 29వ తేదీన ఈ చిత్రం విడుదల కానుంది. ఒకవేళ సరిపోదా శనివారం మంచి కలెక్షన్లు రాబట్టుకుంటే.. నాని - సుజీత్ మూవీకి బడ్జెట్ ఆటంకాలు తొలగిపోయే అవకాశాలు ఉన్నాయి.సరిపోదా శనివారం తర్వాత నాని చేతిలో వరుస సినిమాలు ఉన్నాయి. తనకు దసరా లాంటి బ్లాక్‍బస్టర్ ఇచ్చిన శ్రీకాంత్ ఓదెలతో మరో సినిమా (Nani 33)కు నాని ఓకే చెప్పారు. ఈ మూవీపై అఫీషియల్ అనౌన్స్‌మెంట్ ఇప్పటికే వచ్చింది. బలగం ఫేమ్ వేణు ఎల్డండితో ఎల్లమ్మ సినిమా కూడా నాని చేయనున్నారు. ఒకవేళ సుజీత్‍తో సినిమాకు బడ్జెట్ చర్చలు సఫలమైతే ముందుగా ఆ దాన్నే పూర్తి చేసే అవకాశం ఉంటుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి