ఈ సినిమాకు సంబంధించి ఇప్పటికే విడుదలైన ఫస్ట్ లుక్ కూడా ప్రేక్షకులను విశేషంగా ఆకట్టుకుంది. ఈ మూవీలో అటు జూనియర్ ఎన్టీఆర్ సరసన జాన్వి కపూర్ హీరోయిన్గా నటిస్తుంది. అయితే ఈ బాలీవుడ్ హీరోయిన్ కు ఇదే మొదటి తెలుగు సినిమా కావడం గమనార్హం. కాగా ప్రస్తుతం ఈ సినిమాకు సంబంధించిన షూటింగ్ శరవేగంగా జరుగుతుంది అన్న విషయం తెలిసిందే. అయితే ఈ మూవీ ముగిసిన వెంటనే క్రేజీ డైరెక్టర్ ప్రశాంత్ నీల్ తో ఒక సినిమా చేసేందుకు రెడీ అవుతున్నాడు తారక్. ఇప్పటికే ఈ సినిమాకు సంబంధించి అధికారిక ప్రకటన కూడా వచ్చేసింది అన్న విషయం తెలిసిందే.
కాగా ప్రశాంత్ నీల్ - ఎన్టీఆర్ కాంబో ఇప్పటికే ఫిక్స్ అవ్వగా.. ఇక ఈ సినిమాలో హీరోయిన్ సహ మిగతా పాత్రల్లో నటుల ఎంపిక కొనసాగుతోంది అన్నది తెలుస్తుంది. అయితే ఈ మూవీలో ఎన్టీఆర్ సరసన నటించబోయే హీరోయిన్ ఎవరు అనే విషయంపై గత కొన్ని రోజుల నుంచి చర్చ జరుగుతుంది అని చెప్పాలి. కాగా ఎన్టీఆర్ - ప్రశాంత్ కాంబినేషన్లో తెరకెక్కబోతున్న మూవీలో నేషనల్ క్రష్ రష్మిక మందన్న హీరోయిన్గా నటించబోతున్నట్లు తెలుస్తుంది. ఇప్పటికే మేకర్స్ ఆమెను సంప్రదించగా.. ఓకే చెప్పినట్లు సమాచారం. అయితే దీనిపై అఫీషియల్ అనౌన్స్మెంట్ రావాల్సి ఉంది. ఈ సినిమాలో యానిమల్ విలన్ బాబి డియోల్ విలన్ గా నటించబోతున్నాడట. ఏకంగా 15 దేశాలలో ఈ సినిమాకు సంబంధించిన షూటింగ్ నిర్వహిస్తారని.. ఈ సినిమాకు డ్రాగన్ అనే టైటిల్ ని ఫిక్స్ చేశారంటూ వార్తలు తెరమీదకి వచ్చాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి