ചുമ്മാ ഷോ കാണിക്കാൻ വന്നതല്ല അദ്ദേഹം; മോഹൻലാലിന് പൂർണ്ണ പിന്തുണ നൽകി ആരാധകർ! ലെഫ്റ്റനൻറ് കേണൽ കൂടിയായ മോഹൻലാൽ ദുരിതബാധിത പ്രദേശങ്ങളിൽ യൂണിഫോമിലാണ് എത്തിയത്. സഹായഹസ്തം നൽകിയ അദ്ദേഹത്തെ കുറിച്ച് ആയിരുന്നില്ല സോഷ്യൽ മീഡിയയിൽ സംസാരം. എന്തിനും ഏതിനും കുറ്റം കണ്ടെത്തുന്ന ചിലരുടെ കണ്ണുകൾ പതിഞ്ഞത് ചേറു പതിക്കാത്ത അദ്ദേഹത്തിന്റെ യൂണിഫോമിലേക്ക് ആയിരുന്നു. എന്നാൽ മോഹൻലാലിനെ പിന്തുണച്ചുകൊണ്ട് ആരാധകർ പങ്കിട്ട പോസ്റ്റുകളിൽ മിക്കതും തുടങ്ങുന്നത് "എനിക്ക് നിങ്ങളുടെ ഇടയിലേക്ക് വരാൻ ആരുടേയും അനുവാദം വേണ്ട" എന്ന ലാലേട്ടന്റെ മാസ്സ് ഡയലോഗിൽ നിന്നുതന്നെ ആണ്. വയനാട്ടിൽ ഉരുൾപൊട്ടൽ നടന്ന ദുരന്ത മേഖലകളിൽ 3 കോടിയുടെ പദ്ധതികൾ തൻറെ ഫൗണ്ടേഷൻ വഴി നടപ്പിലാക്കുമെന്ന് മോഹൻലാൽ അറിയിച്ചത് ശനിയാഴ്ചയാണ്. എനിക്ക് ഇവിടെ വന്ന് നിങ്ങളെ കാണാൻ ആരുടെയും അനുവാദം ആവശ്യമില്ല.
കഴിഞ്ഞ നാൽപത് വർഷങ്ങളിലേറെയായി ഞാൻ നിങ്ങൾക്കിടയിലുള്ള ആളാണ്. പ്രിയപ്പെട്ട സഹപ്രവർത്തകർ ആദരിക്കപ്പെടുന്നത് കാണുന്നത് എന്റെ അവകാശമാണ്. സിനിമയിൽ സമർപ്പിച്ച എന്റെ അരങ്ങിനും ഒരു തിരശ്ശീലയുണ്ടെന്ന് മറ്റാറേക്കാളും നന്നായി എനിക്കറിയാം. ആ തിരശ്ശീല വീഴുന്നത് വരെ ഞാൻ ഇവിടെയൊക്കെ തന്നെ ഉണ്ടാകുമെന്നുമായിരുന്നു മോഹൻലാൽ മുൻപൊരിക്കൽ പറഞ്ഞ മാസ്സ് ഡയലോഗ് ഇത് പങ്കിട്ടുകൊണ്ടാണ് പലരും അദ്ദേഹത്തോടുള്ള ഇഷ്ടം പങ്കിട്ടത്. എന്തുകൊണ്ടാണു മോഹൻലാൽ എന്ന വാക്കിന് ഇത്ര സ്വീകാര്യത ഉണ്ടാവുന്നതെന്ന് ആലോചിച്ചിട്ടുണ്ട്.
ഒരു ശരാശരി മലയാളിയുടെ കുടുംബത്തിലെ മകനും സഹോദരനും സുഹൃത്തുമൊക്കെ ആയ എത്രയെത്ര വേഷപ്പകർച്ചകൾ ഉത്തരം പറയാൻ ഇപ്പൊത്തന്നെ മനസിലൂടെ കടന്നുവന്നിട്ടുണ്ട് അല്ലേ?
എല്ലാം നഷ്ടപ്പെട്ട് ഇരിക്കുന്നവർക്കും അവർക്ക് ഒപ്പമുള്ളവർക്കും അങ്ങനെ ഒരു സാന്നിധ്യം ഒരു നിമിഷമെങ്കിൽ ഒരു നിമിഷം ആശ്വാസമാവുമെങ്കിൽ വെറുതെ എന്തിനു കുറ്റം പറയണം?
അതും സേഫ് സോണിലിരുന്ന്.ആ മനുഷ്യൻ ഷോ കാണിക്കാൻ കുപ്പായവും ഇട്ട് ഇറങ്ങിയിരിക്കുകയാണ് എന്ന് രോദിക്കുന്നവരോടാണ്.
അദ്ദേഹത്തിനെ കാണുമ്പോൾ ഒന്ന് വന്ന് കെട്ടിപ്പിടിക്കാനോ, തങ്ങളുടെ നിസ്സഹായത പറയാനോ അവിടുത്തെ ആളുകൾക്ക് സാധിക്കുന്നു എങ്കിൽ, അദ്ദേഹത്തിന്റെ വാക്കുകളും സാന്നിദ്ധ്യവും അവർക്ക് ചെറുതായെങ്കിലും ഒരു ആശ്വാസം നൽകുന്നു എങ്കിൽ, എന്തിനേറെ വികാരങ്ങൾപോലും പ്രകടിപ്പിക്കാനാവാത്ത വിധം മരവിച്ചുപോയ ആ മനുഷ്യരുടെ മുഖത്ത് ഒരു ചെറുചിരി വിടർത്താനെങ്കിലും ഉപകാരപ്പെടുന്നു എങ്കിൽ അദ്ദേഹത്തിനോട് സമരസപ്പെടാൻ ആ പ്രസൻസ് പോലും ധാരാളം ആണ്.
പിന്നെ ആ കുപ്പായത്തിന്റെ വാല്യു നിങ്ങളെക്കാളുപരി അദ്ദേഹത്തിന് നല്ലോണം അറിയാം. മറ്റൊരു കാര്യം അദ്ദേഹം സൂപ്പർ ആഡോ അറിയാവുന്ന സിനിമാക്കാർ ഒക്കെ പറഞ്ഞ് അതറിയാം വളരെ അധികം മനുഷ്യത്വം കാത്തു സൂക്ഷിക്കുന്ന ആളാണ്. മോഹൻലാൽ വയനാട്ടിൽ പോയതും പോയപ്പോഴിട്ട പട്ടാളവേഷവും പരിഹസിച്ചു കൊണ്ടു കുറേപ്പേരിറങ്ങിയിട്ടുണ്ട്. ഈ ആറിഞ്ച് പലകയിൽ മോന്തക്കിത്താബ് വരുന്നതിനു മുൻപും എല്ലാ നാട്ടിലും എന്നെയാരും ശ്രദ്ധിക്കുന്നില്ല എന്ന അപകർഷതയുമായി ജീവിക്കുന്ന കുറേപ്പേരുണ്ടായിരുന്നു. അവർ നാട്ടിലെ കലുങ്കിലോ കടത്തിണ്ണയിലോ ഇരുന്ന് റോഡിലൂടെ പോകുന്ന എല്ലാ പണിയുള്ളവരേയും കുറ്റംപറയും. നാട്ടിൽ അൽപ്പം നിലയും വിലയുമുള്ള ആളാണെങ്കിൽ നാല് കുറ്റം കൂടുതലും പറയും.
ഇപ്പോൾ അത്തരം കടത്തിണ്ണകളും കലുങ്കുകളും കുറഞ്ഞു, ഉള്ളിടത്തു തന്നെ പഴയ ഇരിപ്പും കുറഞ്ഞു. ഇപ്പൊഴാ പണി നടക്കുന്നത് ഇവിടെയാണ്. കയ്യിലിങ്ങനെ ഒരു സ്മാർട്ട്ഫോൺ തേപ്പുപലകയും റീചാർജ് ചെയ്യാനുള്ള പൈസയും ഇതിൽ അക്ഷരമുരച്ചുണ്ടാക്കാൻ വിരലും ഉണ്ടായാൽ മതി, നിലയും വിലയുമുള്ള ആരെയായാലും എന്തും പറയാം. മോഹൻലാലിനെതിരെ ഈ സമയത്ത് നടക്കുന്ന ഹേറ്റ് ക്യാംപെയ്നെക്കുറിച്ച് വേറൊന്നും തോന്നുന്നില്ല. മോഹൻലാലെന്ന നടൻ്റെ അഭിനയത്തെക്കുറിച്ചോ രാഷ്ട്രീയത്തെക്കുറിച്ചോ വിയോജിപ്പുണ്ടെങ്കിൽ അത് പറയേണ്ടപ്പോൾ പറയാം, വിമർശിക്കാം. ആ വിമർശനങ്ങളെല്ലാം ശരിയെങ്കിൽ പോലും ഈ സമയത്ത് വയനാട്ടിൽ അദ്ദേഹം ചെയ്തതിൻ്റെ നേർക്ക് ചെളിവാരിയെറിയുന്നതിന് ന്യായമാവുന്നില്ല. പിന്നെ, വയനാട്ടിൽ അദ്ദേഹം പട്ടാളവേഷത്തിൽ പോയതിലെന്താണ് തെറ്റ്? ഓണററി ആയിരിക്കാം, മോഹൻലാൽ ഒരു ലഫ്റ്റനൻ്റ് കേണൽ ആണ്. മിലിറ്ററി റാങ്ക് ഉള്ള ഒരാൾ ആ വേഷത്തിൽ അവിടെ ചെല്ലുന്നതിൽ ഒരു അപാകതയുമില്ല.
Find out more:
click and follow Indiaherald WhatsApp channel