థియేటర్ల సంఖ్యలో టాప్ రాష్ట్రాలు
టాప్ లిస్టులో ఫస్ట్ ప్లేస్ తమిళనాడుదే. ఏకంగా 2,177 థియేటర్లతో (ఇది భారతదేశంలోని మొత్తం 17,698 థియేటర్లలో సుమారు 12%) రికార్డు సృష్టిస్తోంది. రాజధాని చెన్నైలో 457 థియేటర్లు ఉన్నాయి. అంటే దేశంలోని మొత్తం థియేటర్లలో 2.58% ఒక్క చెన్నైలోనే ఉన్నాయన్నమాట. దేశంలోనే అత్యధిక స్క్రీన్లు ఉన్న నగరంగా కూడా చెన్నై నిలిచింది. ఇదంతా చూస్తే, తమిళ సినీ పరిశ్రమ (కోలీవుడ్) ఎంత స్ట్రాంగ్‌గా ఉందో, అక్కడి ప్రజలకు సినిమాలంటే ఎంత ప్రేమో అర్థమవుతుంది.
రెండో స్థానంలో ఉత్తర ప్రదేశ్ (UP) నిలిచింది. ఇక్కడ మొత్తం 1,697 థియేటర్లు ఉన్నాయి, ఇది దేశంలోని మొత్తం థియేటర్లలో 10% అన్నమాట. ఇంత పెద్ద సంఖ్యలో థియేటర్లు ఉండటానికి కారణం ఆ రాష్ట్ర భారీ జనాభా, వేగంగా అభివృద్ధి చెందుతున్న నగరాలే. లక్నో లాంటి నగరాల్లో 78 థియేటర్లు ఉంటే, నోయిడా వంటివి కూడా ఈ సంఖ్య పెరగడానికి దోహదం చేస్తున్నాయి.
ఆంధ్ర ప్రదేశ్ మూడో స్థానంలో ఉంది. మొత్తం 1,612 థియేటర్లతో (దేశవ్యాప్తంగా 9%) సత్తా చాటుతోంది. దీనికి ప్రధాన కారణం తెలుగు సినిమాల (టాలీవుడ్) పాపులారిటీనే అని చెప్పాలి. హైదరాబాద్, విశాఖపట్నం వంటి నగరాలు ఇక్కడ కీలకమైన సినిమా కేంద్రాలుగా ఉన్నాయి.
ప్రాంతాల వారీగా చూస్తే కొన్ని ఆసక్తికర విషయాలున్నాయి. మహారాష్ట్రలో QUBE డేటా ప్రకారం 189 థియేటర్లు ఉంటే, ఇతర లెక్కల ప్రకారం ఒక్క ముంబైలోనే 415 స్క్రీన్లు ఉన్నాయట. ఈ తేడా ఎందుకంటే, కొందరు కేవలం మల్టీప్లెక్సులనే లెక్కిస్తే, మరికొందరు సింగిల్ స్క్రీన్ థియేటర్లను కూడా కలుపుతారు. ఇక కర్ణాటక (శాండల్‌వుడ్ ఇండస్ట్రీ) 368 థియేటర్లతో, కేరళ (మలయాళం - మాలీవుడ్) 289 థియేటర్లతో ఉన్నాయి. మొత్తంగా చూస్తే, సౌత్ రాష్ట్రాలే థియేటర్ల సంఖ్యలో టాప్‌లో దూసుకుపోతున్నాయి. దీనికి కారణం అక్కడి బలమైన ప్రాంతీయ సినీ పరిశ్రమలు, థియేటర్లలో సినిమా చూడటమనే కల్చర్ బలంగా ఉండటమే.
టాప్ స్క్రీన్లు ఉన్న నగరాలు ఇవే:
చెన్నై – 457 థియేటర్లు
ముంబై – 415 థియేటర్లు
బెంగళూరు – 392 థియేటర్లు
హైదరాబాద్ – 316 థియేటర్లు (ఇందులో తెలంగాణ, ఆంధ్ర ప్రదేశ్ ప్రాంతాలు రెండూ కలిసి ఉన్నాయి)
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి