దర్శకుడు కార్తీక్ డండు ఈ చిత్రాన్ని మైథలాజికల్ థ్రిల్లర్ జానర్‌లో నిర్మిస్తుండగా, కథలో పురాణ అంశాలు, సైంటిఫిక్ టచ్‌, ఆధునిక భావాలు కలగలిపి కొత్తగా ప్రెజెంట్ చేయబోతున్నట్లు తెలుస్తోంది. సుకుమార్ రైటింగ్స్‌, SVCC నిర్మాణ సంస్థలు ఈ ప్రాజెక్ట్‌ను భారీ బడ్జెట్‌తో, అత్యుత్తమ సాంకేతిక ప్రమాణాలతో తెరకెక్కిస్తుండటంతో ప్రేక్షకుల్లో మరింత ఆసక్తి పెరుగుతోంది. ఈ సినిమాలో హీరోయిన్ మీనాక్షి పోషిస్తున్న పాత్ర అత్యంత కీలకమని మూవీ టీమ్ చెబుతోంది. ఆమె పాత్ర కథ మలుపులకు ప్రధాన మూలం అవుతుందనే టాక్ ఇండస్ట్రీలో వినిపిస్తోంది. సంగీత దర్శకుడు అజనీష్ బి. థామస్ ఈ చిత్రానికి సంగీతం అందిస్తున్నాడు. ఆయన బ్యాక్‌గ్రౌండ్ స్కోర్ సినిమాకు కొత్త రేంజ్ ఎనర్జీ తీసుకురావనున్నట్లు టీమ్ నమ్మకం వ్యక్తం చేస్తోంది.
స్పర్ష్ శ్రీవాస్తవ, రఘుల్ ధేరియన్, శ్రీనగేందర్, నవీన్ నూలి లాంటి ప్రతిభావంతులైన టెక్నీషియన్లు ఈ ప్రాజెక్ట్ కోసం ఒకే వేదికపై పనిచేయడం సినిమాపై ఉన్న నమ్మకాన్ని మరింత పెంచుతోంది. ప్రతి ఫ్రేమ్‌, ప్రతి విజువల్‌ గ్రాండియర్‌గా ఉండేలా టీమ్ శ్రద్ధ పెట్టినట్లు సమాచారం. నాగచైతన్య పుట్టినరోజు సందర్భంగా మూవీ టీమ్ విడుదల చేసిన పోస్టర్లు క్షణాల్లోనే సోషల్ మీడియాలో వైరల్ అవుతూ, సినిమాపై భారీ బజ్‌ క్రియేట్ చేశాయి. టైటిల్ పోస్టర్‌ను రిలీజ్ చేసిన మహేశ్ బాబు కూడా చైతన్యకు ప్రత్యేక శుభాకాంక్షలు తెలపడంతో టాలీవుడ్ మొత్తంలో ఈ ప్రాజెక్ట్ చర్చనీయాంశంగా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి