ఇదే క్రమంలో ఇప్పుడు మరో ఆసక్తికరమైన విషయం బయటకు వచ్చింది. అనిల్ రావిపూడి తరహా ఆలోచనలనే స్టార్ డైరెక్టర్ త్రివిక్రమ్ శ్రీనివాస్ కూడా అనుసరిస్తున్నారనే ప్రచారం సోషల్ మీడియాలో ఊపందుకుంది. త్రివిక్రమ్ తెరకెక్కించబోయే ‘ఆదర్శ కుటుంబం’ అనే ప్రాజెక్ట్లో ఒక కీలక పాత్ర కోసం నయనతారను ఎంపిక చేశారనే వార్తలు చక్కర్లు కొడుతున్నాయి.ఈ విషయం వెలుగులోకి రావడంతో అనిల్ రావిపూడి అభిమానులు మరింత ఉత్సాహంగా స్పందిస్తున్నారు.“అనిల్ రావిపూడి ఐడియాలు ఇండస్ట్రీకి ట్రెండ్ సెట్టర్ అయ్యాయి”,“స్టార్ డైరెక్టర్లు కూడా అతని ఆలోచనలను ఫాలో అవుతున్నారు అంటే అదే నిజమైన విజయం”, “ఇదే అసలు హిట్ అంటే” అంటూ సోషల్ మీడియాలో కామెంట్లు వెల్లువెత్తుతున్నాయి.
అయితే ఇక్కడ ఒక విషయం స్పష్టంగా చెప్పుకోవాలి. ఇది పూర్తిగా అధికారికంగా నిర్ధారించబడిన సమాచారం కాదని, కేవలం సోషల్ మీడియాలో జరుగుతున్న చర్చల ఆధారంగా వచ్చిన అభిప్రాయాలేనని సినీ వర్గాలు చెబుతున్నాయి. ఒకే నటిని ఎంపిక చేయడం వల్లనే కాపీ అన్న నిర్ణయానికి రావడం తొందరపాటు కావచ్చని కొందరు అభిప్రాయపడుతున్నారు. ఎందుకంటే ప్రతి దర్శకుడికి తనదైన కథన శైలి, విజన్ ఉంటాయి.అయినా కూడా ఈ అంశం ప్రస్తుతం సోషల్ మీడియాలో పెద్ద చర్చగా మారింది అనడంలో మాత్రం ఎలాంటి సందేహం లేదు. ముఖ్యంగా అనిల్ రావిపూడి పేరు ఇండస్ట్రీలో ఎంత బలంగా వినిపిస్తుందో చెప్పే ఉదాహరణగా ఈ చర్చను చూడొచ్చని పలువురు అంటున్నారు.మొత్తానికి, ఇది ఎంతవరకు నిజమో అధికారిక ప్రకటనలు వచ్చే వరకు తెలియదు కానీ,అనిల్ రావిపూడి క్రియేటివిటీ, మార్కెటింగ్ ఐడియాలు మాత్రం టాలీవుడ్లో ట్రెండ్ అవుతున్నాయనే విషయం మాత్రం స్పష్టంగా కనిపిస్తోంది.ఈ చర్చలు భవిష్యత్తులో మరింత వేడెక్కుతాయా లేదా అన్నది చూడాలి
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి