ఈ గందరగోళంలో, రామ్ చరణ్ చేతిలో రెండేళ్ల చిన్నారి ఉన్న విషయాన్ని కూడా మర్చిపోయిన కొంతమంది అభిమానులు బాధ్యతారహితంగా ప్రవర్తించారు. వారి అరుపులు, హడావుడి కారణంగా చిన్నారి క్లిన్ కారా తీవ్రంగా భయపడినట్టు సమాచారం. సాధారణంగా ఎంతో సహనంగా ఉండే రామ్ చరణ్ కూడా ఈ సందర్భంలో కాస్త ఆందోళనకు లోనయ్యారని తెలుస్తోంది. అయినప్పటికీ ఎలాంటి వ్యాఖ్యలు చేయకుండా, భద్రతా సిబ్బంది సహాయంతో తన కూతురిని జాగ్రత్తగా తీసుకుని ఆసుపత్రిలోకి వెళ్లారు.ఈ సందర్భంగా క్లిన్ కారా కూడా తన చేతులతో ముఖాన్ని కప్పుకునే ప్రయత్నం చేయడం చూసి అక్కడ ఉన్నవారు భావోద్వేగానికి లోనయ్యారు. అయితే, ఈ పరిస్థితిలోనూ కొంతమంది తమ మొబైల్ ఫోన్లతో వీడియోలు చిత్రీకరించి, అవి సోషల్ మీడియాలో షేర్ చేయడం ప్రారంభించారు. దీంతో ఆ వీడియోలు వైరల్గా మారాయి.
ఈ నేపథ్యంలో తాజాగా రామ్ చరణ్ టీమ్ తీవ్ర హెచ్చరిక జారీ చేసింది. అపోలో ఆసుపత్రి వద్ద అభిమానుల అతిగా ప్రవర్తించడం వల్ల క్లిన్ కారా విజువల్స్ అనేక కెమెరాల్లో రికార్డ్ అయ్యాయని, వాటిని ఎవరైనా పబ్లిష్ చేస్తే కఠిన చర్యలు తీసుకుంటామని స్పష్టం చేశారు. ఇది పూర్తిగా వ్యక్తిగత గోప్యతకు సంబంధించిన విషయం అని, రామ్ చరణ్కు తెలియకుండా చిన్నారి వీడియోలు లేదా ఫోటోలు షేర్ చేయవద్దని అధికారికంగా విజ్ఞప్తి చేశారు. స్టార్ హోదా ఉన్నా సరే, ఒక తండ్రిగా తన పిల్లల భద్రత, గోప్యతే రామ్ చరణ్కు మొదటి ప్రాధాన్యమని ఈ ఘటన మరోసారి స్పష్టం చేస్తోంది. అభిమానులు కూడా తమ అభిమానాన్ని బాధ్యతతో చూపించాలని పలువురు నెటిజన్లు సూచిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి