ప్రపంచ దేశాల ప్రజలు కరోనా మహమ్మారి గురించి తీవ్ర భయాందోళనకు గురవుతున్నారు. దేశంలో పట్టణాల నుంచి పల్లెల వరకు వైరస్ వ్యాప్తి చెందింది. వైరస్ గురించి, ఔషధాల గురించి శాస్త్రవేత్తలు అనేక పరిశోధనలు చేస్తున్నారు. శాస్త్రవేత్తలు చేస్తున్న పరిశోధనల్లో కొన్ని పరిశోధనలు వైరస్ ను కట్టడి చేయడంలో సత్ఫలితాలను ఇస్తున్నాయి. తాజాగా శాస్త్రవేత్తలు ఏపీటీ టీ3ఎక్స్ అనే ఆయింట్‌మెంట్ కరోనాను కట్టడి చేస్తోందని తెలిపారు.
 
అమెరికాకు చెందిన ఒక ఫార్మా కంపెనీ ఈ విషయాన్ని ధృవీకరించింది. ఈ ఆయింట్‌మెంట్ కు అమెరికా ఎఫ్డీఏ ఆమోదం కూడా లభించిందని తెలిపింది. ఎవరైనా ఈ ఆయింట్‌మెంట్ ను సొంతంగా వాడుకోవచ్చని... దీనిని కొనుగోలు చేయడానికి మందుల చీటీ అవసరం లేదని ఫార్మా నిపుణులు చెబుతున్నారు. ఈ ఆయింట్‌మెంట్ తో చికిత్స చేసిన 30 సెకన్ల తరువాత వైరస్ కనిపించడం లేదని శాస్త్రవేత్తల పరిశోధనల్లో తేలింది.
 
ఈ ఆయింట్‌మెంట్ సహాయంలో ముక్కు ద్వారా శరీరంలోకి ప్రవేశించే కరోనా వైరస్ ను సులభంగా అడ్డుకోవడం సాధ్యమవుతుందని నిపుణులు తెలుపుతున్నారు. కరోనా వైరస్ నుంచి రక్షణ కోసమే ప్రజలు ఎదురు చూస్తున్న తరుణంలో ఈ ఆయింట్‌మెంట్ గొప్ప ఆవిష్కరణ అని చెప్పవచ్చు ఈ ఆయింట్‌మెంట్ శక్తివంతమైన రక్షణ పొరగా నిలవడంతో పాటు కరోనాను ఎదుర్కోవడంలో ముందువరసలో నిలుస్తుంది.
 
ఎవరి సహాయం లేకుండానే ఈ ఆయింట్‌మెంట్ ను వినియోగించవచ్చని ఫార్మా కంపెనీ తెలిపింది. కరోనా వైరస్ తో పాటు ఇన్ ఫ్లూయెంజా వైరస్ లపై ఈ ఆయింట్‌మెంట్ అద్భుతంగా పని చేస్తోంది. ఈ ఆయింట్‌మెంట్ సెకన్ల వ్యవధిలోనే కరోనా వైరస్ విస్తరించే సామర్థ్యాన్ని నిర్వీర్యం చేస్తోంది. ఈ ఆయింట్‌మెంట్ ను ముక్కులోకి పీల్చుకోవడం ద్వారా వైరస్ సంక్రమణను అడ్డుకోవచ్చని, ఫంగస్, బ్యాక్టీరియాల నుంచి రక్షణ కోసం కూడా ఈ ఆయింట్‌మెంట్ ను వినియోగించవచ్చని శాస్త్రవేత్తలు చెబుతున్నారు. కరోనాకు ఔషధాలు, ఆయింట్మెంట్లు అందుబాటులోకి వస్తూ ఉండటంతో వైరస్ ను కట్టడి చేయడం త్వరలోనే సాధ్యమవుతుందని ప్రజలు విశ్వసిస్తున్నారు.