మహనీయుడు ఎన్టీఆర్ వర్ధంతి నాడు ఆయన పేరెత్తే అర్హత చంద్రబాబుకు లేదని తేల్చిచెప్పాడు. ఎన్టీఆర్ కు భారతరత్న ఇవ్వాలన్న అంశం., ఎన్టీఆర్ జయంతి, వర్ధంతి నాడు, మహానాడు ఈ సమయంలో తప్ప మరే సందర్భంలోనూ గుర్తు రాదని ఎత్తిచూపారు. ఈ వినయాలు అన్నీ అప్పట్లో ఎన్టీఆర్ దగ్గరనుండి పదవి లాక్కునే టప్పుడు గుర్తుకు రాలేదా అంటూ తూట్లు పొడిచారు. చంద్రబాబు బ్రతికుండగా ఎన్టీఆర్ కు భారతరత్న వచ్చే ప్రసక్తే లేదని ఖరాఖండీగా మాట్లాడారు . ఎన్టీఆర్ స్క్రీన్ పైన అయితే.... చంద్రబాబు నిజజీవితంలో మహానటుడు అని, సందర్భాన్ని బట్టి మారిపోవడం ఆయనకు అలవాటేనని... పొగిడిన నోటితోనే దూషించగలడు. అదేవిధంగా దూషించిన పెదవి తోనే ప్రశంసించగలడు అంటూ ఏకిపారేశారు నాని.
ఎన్టీఆర్ కు భారతరత్న.., చంద్రబాబుకు ప్రపంచరత్న అవార్డు ఇవ్వాలన్నారు కొడాలి నాని. ఎన్టీఆర్ గారు తెలుగుదేశం పార్టీని స్థాపిస్తే... నారా చంద్రబాబు నాయుడు.. పప్పు లోకేష్ బాబు కలసి ఆ పార్టీని భూస్థాపితం చేస్తున్నారంటూ ఘాటు వ్యాఖ్యలు చేశారు. ఎన్టీఆర్ వంటి మహానాయకుడి మతాల ముసుగులో తనను తాను గొప్ప నాయకుడిగా చూపించే ప్రయత్నం చేస్తున్నారు చంద్రబాబు... కానీ అది నమ్మడానికి ప్రజలు అమాయకులు కాదు. పులిని చూసి నక్క వాత పెట్టుకోవాలి అనుకుంటే తగిన శాస్తి తప్పక జరుగుతుంది అంటూ సంచలన వ్యాఖ్యలు చేశారు. టీడీపీకి తెలంగాణలో 1.29% ఓట్లు రావడానికి చంద్రబాబే ముఖ్య కారణమని పేర్కొన్నారు నాని. ముఖ్యమంత్రి వైఎస్ జగన్ అభివృద్ధి చూసి ఓర్వలేని చంద్రన్న ముఖ్యమంత్రి జగన్ పై చెడు అభిప్రాయం కలగడానికి ఇలా గుళ్లు, గోపురాలపై చంద్రబాబునాయుడు దాడులు చేయిస్తున్నారని కొడాలి నాని ఆరోపించారు. త్వరలోనే నిజం వెలుగులోకి వస్తుందని గళమెత్తారు.