వీకర్ ముస్లింల విషయంలో చైనా వ్యవహరించిన తీరు ప్రపంచ దేశాలను ఆశ్చర్యానికి గురిచేసింది అన్న విషయం తెలిసిందే.. తమ మతపరమైన మందిరాలకు వెళ్లకుండా నిషేదించటం.. అంతేకాకుండా తమ మతపరమైన భాషలో చదువుకోకుండా నిషేధం విధించడం లాంటివి చేస్తుంది. ముస్లింలు ఇస్లామిక్ భాష మాట్లాడటంపై కూడా నిషేధం విధిస్తూ నియంత పాలన సాగించింది చైనా. ఇలా మైనారిటీలపై అణచివేతకు పాల్పడుతూ వచ్చేది. ఇక ఇప్పుడు చైనా ప్రభుత్వం కన్ను మరో మతంపై పడినట్లు తెలుస్తోంది.
చైనాలో వీకర్ ముస్లింలతో పాటు క్రిస్టియన్లు కూడా మైనారిటీలుగా కొనసాగుతున్నారు. అయితే పాశ్చాత్య దేశాలతో సంబంధాలు నేపథ్యంలో అటు క్రిస్టియన్ల పై మాత్రం ఎలాంటి నిషేధం విధించలేదు చైనా ప్రభుత్వం. కానీ ఈ సారి మాత్రం చైనా ప్రభుత్వం మరింత తెగించింది. చైనాలో మైనారిటీలుగా కొనసాగుతున్న క్రిస్టియన్ మతస్తులపై కూడా కఠిన ఆంక్షలు విధించింది. ఆన్లైన్లో విదేశీయులు మతపరమైన కంటెంట్ వ్యాప్తిపై నిషేధం విధిస్తున్నట్లు తెలిపింది. జాతీయ భద్రత దృష్ట్యా ఇలాంటి నిర్ణయం తీసుకుంటున్నాము అంటూ చైనా ప్రభుత్వం చెప్పడం గమనార్హం. ఇక చైనా కొత్త రూల్స్ ప్రకారం బుద్ధుడిని ఆరాధించడం.. ధూపం వేయడం.. జపం చేయడం.. క్రిస్టియన్ మతం మార్చుకోవడం అనుమతించరు. అంతే కాకుండా మతం పేరుతో నిధులు సేకరించడాన్ని అనుమతించబోమని అంటూ ప్రభుత్వం తెలిపింది. ఇలా చైనా ప్రభుత్వం అమల్లోకి తీసుకొచ్చిన కొత్త నిబంధనలు మాత్రం సంచలనంగా మారిపోయాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి