కర్నాటక రాజకీయాల్లో ఒక వెలుగు వెలిగిన గాలి జనార్ధన్ కొడుకు కిరీటి హీరోగా ఎంట్రీ ఇస్తున్నాడు. వారాహి బ్యానర్లో కిరీటీ హీరోగా లాంచ్ అవుతున్నాడు. ఈ సినిమా కన్నడతో పాటు తెలుగులోనూ తెరకెక్కబోతోంది. రాధాకృష్ణ దర్శకత్వంలో ఈ సినిమా తెరకెక్కబోతోంది.
కర్నాటకలో పొలిటికల్ ఫ్యామిలీ నుంచి మరో హీరో కూడా వచ్చాడు. మాజీ ప్రధాని దేవేగౌడ మనవడు, కర్నాటక మాజీ ముఖ్యమంత్రి కొడుకు నిఖిల్ హీరోగా సినిమాలు చేస్తున్నాడు. 'జాగ్వర్' సినిమాతో తెలుగు ఆడియన్స్ని కూడా పలకరించాడు. ఇక 2019 లోక్సభ ఎన్నికల్లోనూ నిఖిల్ పోటీ చేశాడు. ఈ ఎన్నికల్లో ఓడిపోయాక మళ్లీ సినిమాలతో బిజీ అయ్యాడు నిఖిల్ గౌడ.
తమిళనాడులో సినిమాలు, రాజకీయాలకి దగ్గరి సంబంధం ఉంది. చాలామంది సినిమా స్టార్లు రాజకీయాల్లో ఉన్నారు. ముఖ్యమంత్రులు కూడా అయ్యారు. ప్రస్తుతం తమిళనాడు ముఖ్యమంత్రి స్టాలిన్ వారసుడు ఉదయనిధి స్టాలిన్ కూడా ఒకవైపు సినిమాలు, మరోవైపు రాజకీయాలని బ్యాలెన్స్ చేస్తున్నాడు. ప్రస్తుతం ఉదయనిధి స్టాలిన్ ఎమ్.ఎల్.ఎ.గా కూడా ఉన్నాడు.
మరాఠా, హిందీ సినిమాలతో దేశవ్యాప్తంగా గుర్తింపు తెచ్చుకున్న హీరో రితేష్ దేశ్ముఖ్. ఈ హీరో ఫ్యామిలీకి పొలిటికల్ బ్యాక్గ్రౌండ్ ఉంది. మహారాష్ట్ర మాజీ ముఖ్యమంత్రి విలాస్రావ్ దేశ్ముఖ్ కొడుకే రితేష్ దేశ్ముఖ్. అన్నయ్య, తమ్ముడు తండ్రి బాటలో రాజకీయాల్లోకి వెళ్లినా రితేష్ మాత్రం హీరో కమ్ డైరెక్టర్ కమ్ ప్రొడ్యూసర్గా సినిమాలు చేస్తున్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి