అలాంటి వారిలో మాజీ హోమ్ మంత్రి మేకతోటి సుచరిత ఒకరు. జగన్ పాత కాబినెట్ లో మహిళలకు అధిక ప్రాధాన్యత ఇచ్చి సుచరితను హోమ్ మినిస్టర్ చేశారు. కానీ ఈ రెండున్నరేళ్ల కాలంలో ఒక కీలక మంత్రిగా తానేమిటో నిరూపించుకోవడంలో దారుణంగా విఫలం అయిందని కొన్ని వార్తా పత్రికలు పుంఖానుపుంఖాలుగా రాసిన మాట వాస్తవమే. అయితే సుచరిత మాత్రం రెండవ సారి కూడా మంత్రి అవుతుందని ఎంతో ఆశ పెట్టుకుంది. అయితే నిన్న ప్రకటించిన నూతన మంత్రి వర్గంలో తన పేరు లేకపోవడంతో తీవ్రంగా నిరాశకు లోనయింది.
అయితే నిన్నటి నుండి ఈమె తన నియోజకవర్గ వైసీపీ కార్యకర్తలతో వరుస సమావేశాలు చేస్తున్నారు. అయితే ఈమె వర్గీయుల నుండి అందుతున్న సమాచారం ప్రకారం మేకతోటి సుచరిత ఎమ్మెల్యేగా రాజీనామా చేస్తున్నట్లు తెలుస్తోంది. అయితే రాజీనామా చేసినా కూడా ఈమె వైసీపీ లోనే కొనసాగనుందని ఇప్పటి వరకు తెలుస్తున్న సమాచారం. ప్రస్తుతం వరకు అయితే రాజీనామా గురించి ఎటువంటి వార్త లేదు. మరి ఇది జరిగితే జగన్ కు బిగ్ షాక్ అని చెప్పాలి. అయితే ఇది ఇంకెంతమంది నాయకులను కదిలిస్తుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి