ఇక తిరుమల శ్రీవారి దర్శనానికి వెళ్లే భక్తులకు రైల్వే శాఖ మరో గుడ్ న్యూస్ తెలిపింది.ఈ వేసవి కాలంలో ప్రయాణీకుల రద్దీని దృష్టిలో ఉంచుకుని తెలుగు రాష్ట్రాలతో పాటు దేశంలోని ఇతర ప్రాంతాల నుంచి రైల్వే శాఖ తిరుపతికి ప్రత్యేక రైళ్లను నడుపుతోంది.ఇక ఇందులో భాగంగా మరో 20 ప్రత్యేక రైళ్లను నడపనున్నట్లు దక్షిణ మధ్య రైల్వే ప్రకటించింది. అవి హైదరాబాద్ – తిరుపతి , తిరుపతి – హైదరాబాద్, తిరుపతి – కాకినాడ టౌన్ ఇంకా కాకినాడ టౌన్ – తిరుపతి మధ్య ఈ ప్రత్యేక రైళ్లను నడపనున్నారు. మే 31, జూన్ 7, 14, 21, 28 తేదీల్లో ప్రత్యేక రైలు (నెం.07433) హైదరాబాద్ నుంచి సాయంత్రం 06.40 గంటలకు బయలుదేరి మరుసటి రోజు ఉదయం పూట 07.50 గం.లకు తిరుపతి చేరుకుంటుంది.ఇంకా అలాగే జూన్ 1, 8, 15, 22, 29 తేదీల్లో ప్రత్యేక రైలు (నెం.07434) తిరుపతి నుంచి రాత్రి 08.25 గం.లకు బయలుదేరి మరుసటి రోజు ఉదయం పూట 08.30 గం.లకు హైదరాబాద్ చేరుకుంటుంది.అలాగే ప్రత్యేక రైలు (నెం.07435) జూన్ 2,9,16,23,30 తేదీల్లో తిరుపతి నుంచి సాయంత్రం పూట 04.15 గంటలకు బయలుదేరి మరుసటి రోజు వేకువజామున 04.00 గంటలకు కాకినాడ టౌన్‌కు చేరుకుంటుంది.



అలాగే మరో ప్రత్యేక రైలు (నెం.07436) జూన్ 2,9,16,23,30 తేదీల్లో కాకినాడ టౌన్ నుంచి ఉదయం పూట 07.30 గంటలకు బయలుదేరి అదే రోజు సాయంత్రం పూట 06.40 గంటలకు తిరుపతికి చేరుకుంటుంది.తిరుపతి నుంచి హైదరాబాద్ మధ్య మొత్తం 10 ప్రత్యేక సర్వీసులు నడపనుండగా.. ఇక ఇవి సికింద్రాబాద్, నల్గొండ, మిర్యాలగూడ, నడికుడి, సత్తెనపల్లి, గుంటూరు, తెనాలి, బాపట్ల, చీరాల, ఒంగోలు, నెల్లూరు, గూడూరు ఇంకా అలాగే రేణిగుంట రైల్వే స్టేషన్లలో ఆగనున్నాయి. తిరుపతి – కాకినాడ టౌన్ మధ్య మొత్తం 10 ప్రత్యేక సర్వీసులు నడపనుండగా.. ఇవి రేణిగుంట, గూడూరు, నెల్లూరు, ఒంగోలు, విజయవాడ, ఏలూరు, తాడేపల్లిగూడెం, నిడదవోలు, రాజమండ్రి ఇంకా అలాగే సామర్లకోట రైల్వే స్టేషన్లలో అవి ఆగనున్నాయి. ఈ ప్రత్యేక రైళ్లలో ఏసీ 2 టైర్, ఏసీ 3 టైర్, స్లీపర్ క్లాస్ ఇంకా అలాగే జనరల్ సెకండ్ క్లాస్ కోచ్‌లు ఉండనున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

SPECIAL TRAINS

Purushottham Vinay

30/05/2022 08:21 PM