అయితే ఎన్నికల్లో వైసీపీని ఓడించడానికి షర్మిల వివేకా హత్య కేసును ప్రధానాస్త్రంగా మార్చుకున్నారు. పదేపదే వివేకా హత్య కేసును ప్రస్తావిస్తూ సానుభూతి ఓట్లను పొందాలని ఆమె ప్రయత్నం చేశారు. అయితే వివేకా హత్య కేసు గురించి మాట్లాడవద్దంటూ కడప కోర్టు ఇచ్చిన ఉత్తర్వులపై సుప్రీం కోర్టు స్టే విధించింది. సుప్రీంలో తీర్పు తమకు అనుకూలంగా రావడంతో షర్మిల ఈ తీర్పు గురించి స్పందించారు.
"దురాత్ముల నీచబుద్ధికి దిమ్మతిరిగేలా, మాడుపగిలేలా, వివేకా హత్య విషయంలో సుప్రీం స్టే ఇచ్చింది. భావ ప్రకటన స్వేచ్చపై రాక్షసమూక చేయబోయిన దాడిని తిప్పికొట్టి, ఎప్పటికైనా ధర్మపోరాటంలో న్యాయమే గెలుస్తుందని నిన్న ప్రూవ్ అయింది. చిట్టచివరిగా విజయం, నిజం న్యాయం వైపే ఉంటాయని చూపిస్తాం" అంటూ షర్మిల ట్వీట్ లో పేర్కొన్నారు. అయితే రాజకీయాల్లోకి రాకముందు ఎందుకు విమర్శలు చేయలేదంటూ వైసీపీ ఫ్యాన్స్ ప్రశ్నిస్తున్నారు.
రాజకీయ ప్రయోజనాల కోసం షర్మిల ఎంత దూరమైనా వెళ్తారా? కుటుంబంలో విబేధాలు ఉంటే రాజకీయంగా కక్ష సాధించాలా? అంటూ ప్రశ్నిస్తున్నారు. జగన్ ఒక్క మాట అంటే కన్నీళ్లు పెట్టుకునే షర్మిల జగన్ ను మాత్రం ఎన్ని మాటలైనా అనవచ్చా అంటూ కామెంట్లు వ్యక్తమవుతున్నాయి. ఎన్నికల ఫలితాలతో షర్మిలకు వాస్తవాలు బోధపడతాయని వైసీపీ అభిమానులు అభిప్రాయపడుతున్నారు. వైసీపీ ఈ ఎన్నికల్లో మరోమారు విజయం సాధిస్తామని కాన్ఫిడెన్స్ తో ఉంది. టీడీపీ అనుకూల నేతల్లో మాత్రం ఆ స్థాయిలో కాన్ఫిడెన్స్ లేకపోవడం గమనార్హం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి