ఈ బక్కొడిని కొట్టడానికి ఇంత మందా? అంటూ ఆయన పదేపదే తన ప్రసంగాలలో ఒక మాటను హైలైట్ చేశారు. అది ప్రజల్లోకి బాగా వెళ్ళిపోయింది. ఆయన ప్రసంగాలు కూడా బాగా హిట్ అయ్యాయి. కెసిఆర్ కు ప్రజలు బాగా కనెక్ట్ అయ్యారు. ఒక గుంపుగా ఏర్పడిన పార్టీలను గుంటనక్కలాగా చూసి ప్రజలు వారికి ఓట్లు వేయలేదు. బక్కోడు అనే అస్త్రం వాడటం ద్వారా ప్రజలు ఇతరులను నమ్మకుండా కేసీఆర్ ఆపగలిగారు. ఏపీ సీఎం జగన్ కూడా సేమ్ ఇదే అస్త్రాన్ని ఉపయోగించారు ఆయన "నన్ను ఒక్కడిని" అనే పదాన్ని బాగా ప్రజల్లోకి తీసుకుపోయారు. ఈ ఒక్కడిని ఓడించడానికి ఇంతమంది కుట్రలు పన్నుతున్నారని పదేపదే చెబుతూ వచ్చారు.
ఈనాడు, ఏబీఎన్, ఆంధ్రజ్యోతి టీవీ 5లాంటి వాళ్ళందరూ దుష్ప్రచారాలు చేస్తున్నారని అన్నారు. కేంద్రం నుంచి మోదీ కూడా దిగి తనకి వ్యతిరేకంగా ప్రచారం చేస్తున్నారని సానుభూతి వచ్చేలా మాట్లాడారు. పేదలకు మంచి చేసిన ఏకైక సీఎం తాను మాత్రమేనని, భారతదేశం మొత్తంలో తాను అందించిన సంక్షేమ పథకాలు ఎవరూ అందించలేదని చెప్పుకొచ్చారు. పేదలకు మంచి చేసే తనని దింపేందుకు ఒక చంద్రముఖి, ఒక దత్త పుత్రుడు ఏకమయ్యారని ప్రసంగాలలో బలంగా చెప్పారు. అవి జనాల్లోకి బాగా వెళ్లి ఉండొచ్చు, ఈసారి ఆ ఆయుధమే జగన్ గెలుపుకు కారణం కూడా కావచ్చు. జూన్ 4వ తేదీన ఆ సంగతి తెలుస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి