తాజాగా ఆయన కేటాయించిన భూములను స్వయంగా పరిశీలించారు. ఈ సందర్భంగా అధికారులకు “సీఎం చంద్రబాబు నిర్ధేశించిన వేగాన్ని అందుకోవాలి” అంటూ స్పష్టమైన సూచనలు ఇచ్చారు. శ్రావణ మాసంలో శుభ ముహూర్తం చూసుకుని ఈ నెల 13న, అంటే బుధవారం, అన‌గా ఈరోజు బాలయ్య తన సతీమణితో కలిసి భూమి పూజ నిర్వహించనున్నారు. ఈ కార్యక్రమంలో సీఎం చంద్రబాబు, మంత్రి నారా లోకేష్‌తో పాటు పలువురు కీలక నేతలు పాల్గొననున్నారని సమాచారం. బాలయ్య ప్లాన్ ప్రకారం, ఈ ఆసుపత్రి నిర్మాణం మూడు దశల్లో జరుగుతుంది. దాదాపు రెండేళ్ల వ్యవధిలో పూర్తి చేసి, ప్రజలకు అందుబాటులోకి తేవడమే లక్ష్యం. నిధుల సేకరణలో దాతలు, పెద్ద వ్యాపారవేత్తల సహకారం కీలకం కానుంది. ఆసుపత్రి నిర్మాణం పూర్తయితే, రాష్ట్రంలో కేన్సర్ చికిత్సలో ఒక పెద్ద మైలురాయిగా నిలుస్తుందని వైద్యవర్గాలు చెబుతున్నాయి.
అమరావతిలో ఇంత పెద్ద స్థాయిలో ప్రైవేట్ కార్పొరేట్ ఆసుపత్రి నిర్మాణానికి శ్రీకారం చుట్టడం శుభసూచకంగా భావిస్తున్నారు. ఇప్పటివరకు రాజధాని నిర్మాణం కోసం భూములు కేటాయించుకున్న పదుల సంఖ్యలో సంస్థలు, వ్యక్తులు ఉన్నప్పటికీ, వారు ఇంకా పెద్ద ఎత్తున పనులు ప్రారంభించలేదు. ఈ నేపథ్యంలో, బాలయ్య ఈ ప్రాజెక్టుకు అంకురార్పణ చేయడం మిగతా వారికి కూడా స్పూర్తినిస్తుందని రాజకీయ, వ్యాపార వర్గాలు అంటున్నాయి. మొత్తం మీద, అమరావతి రాజధాని నిర్మాణం కోసం చంద్రబాబు కష్టపడుతున్న ఈ సమయంలో, బాలయ్య కూడా తన వంతు భుజం కాస్తూ, అభివృద్ధి రథాన్ని వేగంగా నడిపించేందుకు సిద్ధమవుతున్నారు. ఒకవైపు రాజకీయ నాయకుడిగా, మరోవైపు సేవాభావం కలిగిన దాతగా, బాలయ్య ఈ ప్రాజెక్టుతో అమరావతి చరిత్రలో ఒక కొత్త అధ్యాయం రాయబోతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి