ఇటీవలి కాలంలో తిరువూరులో ఇద్దరూ వేర్వేరు కార్యక్రమాలు నిర్వహించడం మొదలుపెట్టారు. పార్టీ కార్యకర్తలు ఎవరిని అనుసరించాలో తేల్చుకోలేని స్థితి. ఇదే సమయంలో కొలికపూడి శ్రీనివాస్ సంచలన వ్యాఖ్యలు చేశారు - “ఎన్నికల్లో కేశినేని చిన్ని నా దగ్గర ఐదు కోట్లు డిమాండ్ చేశాడు. సీటు కావాలంటే కోట్లు ఇవ్వాలి అన్నాడు” అంటూ ఆరోపించారు. అంతే కాదు, వాట్సాప్‌లో బ్యాంక్ స్టేట్‌మెంట్లు కూడా పబ్లిక్ చేశారు. ఈ ఆరోపణలు టీడీపీ లోపల చర్చకు దారితీశాయి. కేశినేని చిన్ని ఈ ఆరోపణలను తీవ్రంగా ఖండించారు. “కొలికపూడికి అంత ఆర్థికస్థోమత లేదు.
కావాలనే బురద జల్లుతున్నాడు” అంటూ కౌంటర్ ఇచ్చారు. తిరువూరు ప్రాంతానికి చెందిన పలువురు టీడీపీ నేతలు కూడా కొలికపూడిపై హైకమాండ్‌కు ఫిర్యాదు చేశారు. ఇదే సమయంలో పార్టీ క్రమశిక్షణ సంఘం కొలికపూడి శ్రీనివాస్‌ను వివరణకు పిలిచింది. ఆయన హాజరైనా, వివాదం ఇంకా ముగియలేదు. పార్టీ ప్రతిష్ఠను దెబ్బతీసే స్థాయిలో ఈ రచ్చ పెరిగిపోవడంతో, చంద్రబాబు నాయుడు స్వయంగా జోక్యం చేసుకునే అవకాశం ఉందని సమాచారం. ప్రస్తుతం చంద్రబాబు విదేశీ పర్యటనలో ఉండగా, ఆయన రాగానే ఈ వివాదంపై సమీక్ష జరగనుంది. కొలికపూడి–కేశినేని యుద్ధం తారస్థాయికి చేరడం టీడీపీ లోపల చర్చనీయాంశమైంది. చివరికి తేలేది ఒక్కటే - ఎవరి మాటకు హైకమాండ్ మద్దతు ఇస్తుందనేది! చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి