అనంతరం భారత స్టార్ ఆల్ రౌండర్ రవీంద్ర జడేజా నిన్న కోల్ కతా నైట్ రైడర్స్ తో జరిగిన ఫైనల్ మ్యాచ్ తో ఇండియన్ ప్రీమియర్ లీగ్ లో తన 200వ మ్యాచ్ ను పూర్తి చేసుకున్నాడు. అయితే ఈ రెండు వందల మ్యాచ్లో బ్యాటింగ్ చేసే అవకాశం జడేజాకు రాకున్నా... ఫిల్డింగ్ అలాగే బౌలింగ్లోనూ అదరగొట్టాడు. ఇక భారత బ్యాట్స్మెన్ అంబటి రాయుడు కూడా నిన్నటి మ్యాచ్ లో ఓ రికార్డు నెలకొల్పాడు. నిన్న ఐపీఎల్ 2021 ఫైనల్ మ్యాచ్ అంబటి రాయుడు ఐపీఎల్ కెరియర్ లో 175వ ఐపీఎల్ మ్యాచ్. అయితే రాయుడికి కూడా ఈ మ్యాచ్లో బ్యాటింగ్ చేసే అవకాశం రాలేదు.
ఇక చివరగా సౌత్ ఆఫ్రికా స్టార్ ఆటగాడు డుప్లెసిస్ నిన్నటి ఫైనల్ మ్యాచ్ తో ఐపీఎల్ కెరియర్ లో 100 మ్యాచ్ లను పూర్తి చేసుకున్నాడు. అయితే ఈ మ్యాచ్లో ఓపెనర్ గా వచ్చిన డుప్లెసిస్ 59 బంతుల్లో 86 పరుగులు చేసి జట్టు విజయంలో కీలక పాత్ర పోషించాడు. అయితే ఇలా ఒకే మ్యాచ్ లో నలుగురు ఆటగాళ్లు వివిధ స్థాయిల్లో ఉన్న తమ మైలురాళ్లను చేరుకోవడం ఇదే మొదటిసారి. ఈ అరుదైన ఘటన ఫైనల్స్ లో జరగడం ఇంకా గమనార్హం.