పెళ్లి అయ్యి పిల్లలు పుట్టిన ఆడవాళ్లు ముఖ్యంగా ఎదుర్కునే ప్రధాన సమస్య స్ట్రెచ్ మార్క్స్. ఈ సమస్య ఆడవాళ్లకు బిడ్డని ప్రసవించిన తర్వాత మొదలవుతుంది. పొట్ట మీద, తొడల మీద ఏర్పడే ఈ చారలు ఆడవాళ్ళ అందాన్ని దెబ్బతీస్తాయి. ఈ చారలు పోయి ఇదివరకు చర్మ సౌందర్యం పొందటం కోసం వారు రకరకాల ప్రయత్నాలు చేస్తారు. స్ట్రెచ్ మార్క్స్ ఉండటం వల్ల పొట్ట మీద గీతల్లా కనిపిస్తాయి. ఫ్యాట్ కణాలు ఎక్కడ చేరుతాయో అక్కడ స్ట్రెచ్ మార్క్స్ ఏర్పడుతాయి. గర్భధారణ సమయంలో నార్మల్ డెలివరీనా, సిజేరియన్ అని తేడా లేకుండా స్ట్రెచ్ మార్క్స్ ఏర్పడుతాయి. అందుకనే ఈ క్రింది చిట్కాలు పాటిస్తే ఆ గీతలు కొద్దిరోజుల్లోనే కనిపించకుండా మాయమవుతాయి.


బంగాళాదుంప జ్యూస్ లో ఉండే యాంటీఆక్సిడెంట్స్ స్ట్రెచ్ మార్క్స్ ను నివారించడంలో బాగా సహాయపడుతుంది. బంగాళదుంపను కట్ చేసి తురుముకోవాలి. తురిమిన బంగాళదుంపను ఒక క్లాత్ లో వేసి పిండి రసం తీయాలి. ఈ రసాన్ని స్ట్రెచ్ మార్క్స్ ఉన్న ప్రదేశంలో అప్లై చేయాలి. ఇలా రెగ్యులర్ గా చేస్తుంటే స్ట్రెచ్ మార్క్స్ సులభంగా తొలగిపోతాయి. అలాగే గర్భిణీగా ఉన్నప్పటి నుండే బాదం నూనె, కోకోవా బటర్ తో పొట్ట భాగాల్లో మసాజ్ చేసుకుంటూ ఉంటే స్ట్రెచ్ మార్క్ వచ్చే అవకాశం ఉండదు. సుగర్, బాదం నూనె, విటమిన్ E ఉండే క్రీం తో పాటుగా కలబంద రసాన్ని కలుపుకుని ఆయిల్ గా తయారు చేసుకుని దాన్ని స్ట్రెచ్ మార్క్స్ మీద రాసుకుంటే మంచి ఫలితాలు ఉంటాయి.  పంచదారను, నిమ్మకాయతో కలిపి స్ట్రెచ్ మార్క్స్ పై పూసుకున్నా మంచి ఫలితాలు ఉంటాయి.


స్ట్రెచ్ మార్క్స్ నివారించడంలో ఆముదం గ్రేట్ రెమెడీ. ఇది స్ట్రెచ్ మార్క్స్ ను సులభంగా తొలగిస్తుంది. ఆముదం నూనెను చారలున్న ప్రదేశంలో అప్లై చేసి, మర్ధన చేయాలి. ఇలా రెగ్యులర్ గా అప్లై చేస్తుంటే మంచి ఫలితం ఉంటుంది. ఆముదంలో ఉండే యాంటీఆక్సిడెంట్స్ స్ట్రెచ్ మార్క్స్ ను తొలగించడంలో చాలా ఎఫెక్టివ్ గా పనిచేస్తున్నట్లు నిరూపించబడినది. తేనెలో స్కిన్ మాయిశ్చరైజింగ్ గుణాలు పుష్కలంగా ఉన్నాయి. స్ట్రెచ్ మార్క్స్ ఉన్న ప్రదేశంలో తేనెను రాయాలి. ఇలా తేనె రాసిన తర్వాత కొద్దిసేపు అలాగే ఉంచి, ఆరిపోయాక గోరువెచ్చని నీటితో శుభ్రం చేస్తే సరి..!