అమ్మ అవ్వడం అనేది దేవుడు ఆడవాళ్లకు ఇచ్చిన ఒక గొప్ప వరం. అమ్మ అని పిలిపించుకోవాలని ప్రతి స్త్రీ కోరుకుంటుంది.గర్భిణీ స్త్రీ ఏ పని చేసిన ఏమి తినాలని అనుకున్నా గాని ముందు కడుపులోని బిడ్డ గూర్చి అలోచించి చేయాలి. అయితే గర్భధారణ సమయంలో కొన్ని పనులు చేయకుండా ఉంటేనే మంచిది.అవేంటో ఇప్పుడు తెలుసుకుందాం.. !కడుపుతో ఉన్న మహిళలు  ధూమపానం చేయకూడదు. అలా చేయడం వల్ల  ముందస్తు ప్రసవానికి లేదా అకాల ప్రసవానికి కారణం అవుతుంది. ఇది శిశువులోకి వెళ్ళే ఆక్సిజన్ మొత్తాన్ని తగ్గిస్తుంది.ఇది శిశువు మెదడును ప్రభావితం చేస్తుంది.  శిశువు బరువు, పరిమాణంలో లోపం ఉండవచ్చు.అలాగే కడుపుతో ఉన్నపుడు మద్యపానం కూడా చేయకూడదు.ఎందుకంటే గర్భధారణ సమయంలో ఆల్కహాల్ తీసుకుంటే కడుపులో పెరిగే శిశువుకు హాని కలుగుతుంది.




గర్భధారణ సమయంలో అధికంగా మద్యం సేవించడం వల్ల పిండంకు ఆల్కహాల్ సిండ్రోమ్ వస్తుంది.గర్భధారణ సమయంలో ఆవిరి స్నానాలు, వేడి నీటి స్నానాలకు దూరంగా ఉండటం మంచిది. శరీరంలో వేడి నీటిని అధికంగా వాడటం వల్ల గర్భాశయం వేడెక్కుతుంది మరియు శిశు మరణానికి కారణమవుతుంది.గర్భధారణ సమయంలో మితమైన వ్యాయామం కొంతవరకు సిఫార్సు చేయబడింది. ఎక్కువగా వ్యాయామం చేయడం కారణంగా మీ హృదయ స్పందన నిమిషానికి 160 పైన పెరిగినప్పుడు, శిశువులోకి వెళ్ళే ఆక్సిజన్ పరిమాణం తగ్గుతుంది. దీని వల్ల శిశువు శక్తిని కోల్పోతుంది, శిశువు మెదడుకు ఆక్సిజన్‌ను అడ్డుకుంటుంది.




కాబట్టి గర్భధారణ సమయంలో తేలికపాటి వ్యాయామాలు మాత్రమే చేయాలి. కఠినమైన వ్యాయామాలకు దూరంగా ఉండాలి.ఎక్కువ సమయం,చాలా గంటలు నిలబడడం వల్ల  గర్భధారణ సమయంలో ఆటంకాలు వస్తాయి. వీలైనంత వరకు కూర్చోవడం, పడుకోవడం చేయాలి. గర్భధారణ సమయంలో ఎక్స్‌రేలు, తీయించుకోవడం మానుకోవాలి. డిప్రెషన్ రకరకాల సమస్యలను కలిగిస్తుంది. ఇది తల్లి బిడ్డకు ఆరోగ్య సమస్యలను కూడా కలిగిస్తుంది.సరైన పోషకాలు తీసుకోకపోవడం, సరైన ఆహారాన్ని తినకపోవడం, సమతుల్య ఆహారం తీసుకోకపోవడం వల్ల పిల్లలు అభివృద్ధి చెందరు. అలాగే గర్భిణీ ఆరోగ్యాన్ని కూడా ప్రభావితం చేస్తుంది.