గుజరాత్ లోని అదజన్ ప్రాంతంలో ఈ ఘటన వెలుగులోకి వచ్చింది. సికే బిల్లా సొసైటీలో జీగ్యాస తేజస్ అనే మహిళ ఒంటరిగా నివాసం ఉంటుంది. అయితే ఆమె ఇంటికి ఇటీవలే ముగ్గురు వ్యక్తులు కార్పొరేట్ ఉద్యోగులు అంటూ నమ్మించి వచ్చారు. మీ వాటర్ ట్యాంక్ తనిఖీ చేయాలి అంటూ మాయ మాటలు చెప్పారు. ముగ్గురు వ్యక్తులు కూడా కార్పొరేట్ ఉద్యోగుల లాగానే డ్రెస్సింగ్ చేసుకోవడంతో వారిని లోపలికి ఆహ్వానించింది సదరు మహిళ. ఇక వాటర్ ట్యాంక్ చుట్టూ పరిసరాలు గమనిస్తున్న సమయంలోనే ఆమెకు క్లోరోఫామ్ ఇచ్చారు.
అయితే సదరు మహిళ కంగారు పడి పోకుండా ఎంతో తెలివిగా మూర్చపోయినట్లు నటించింది. ఇక మహిళను అక్కడే వదిలేసి ఇంట్లో ఉన్న విలువైన వస్తువులు ఎక్కడ ఉన్నాయా అని వెతకడం ప్రారంభించారు ఆ ముగ్గురు వ్యక్తులు. ఇదే అదునుగా భావించి బయటికి పరుగులు తీసింది సదరు మహిళ.ఇంట్లో దొంగలు పడ్డారు అంటూ గట్టిగా అరవడం మొదలుపెట్టింది. ఇంకేముంది దొంగల మైండ్ బ్లాక్ అయింది. ఇక ఏం చేయాలో తెలియక ఒక్కసారిగా ఇంట్లో నుంచి పరుగులు పెట్టారు. ఈ ఘటనపై కేసు నమోదు చేసుకున్న పోలీసులు సీసీటీవీ ఫుటేజీ ఆధారంగా గాలింపు చర్యలు చేపట్టారు.
