ఇంకొన్ని ఘటనల్లో ఏకంగా ఎంతో మంది ప్రాణాల మీదికి తెచ్చే విధంగా చికిత్స అందిస్తూ ఉండటం గమనార్హం. ఇక ఇలాంటి తరహా ఘటనలు చూసిన తర్వాత ఏకంగా కొంతమందిలో మళ్ళీ వైద్యులు అంటే భయం పెరిగిపోతోంది అని చెప్పాలి. ఇక కొంతమంది వైద్యులు అయితే ఇంకా లోకాన్ని కూడా సరిగ్గా చూడని పసికందుల పాలిట యమకింకరులుగా మారిపోతున్నారు. సరైన వైద్య చికిత్స అందించడంలో విఫలం అవుతూ చివరికి పసికందుల ప్రాణాలు పోవడానికి కారణమవుతున్నారు అని చెప్పాలి. ఇక్కడ ఇలాంటి తరహా ఘటన వెలుగు చూసింది.
బాపట్ల జిల్లా రేపల్లె పట్టణంలో ఓ దారుణ ఘటన చోటుచేసుకుంది. ఏకంగా వైద్యుల నిర్లక్ష్యం కారణంగా చికిత్స వికటించి చివరికి మూడు నెలల బాలుడు ప్రాణాలు కోల్పోయిన ఘటన కుటుంబ సభ్యులందరినీ కూడా విషాదంలో ముంచేసింది అని చెప్పాలి. భట్టిప్రోలు కు చెందిన మౌనిక అనే మహిళ అనారోగ్యంతో బాధపడుతున్న తన మూడు నెలల కొడుకును ఇటీవలే ఓ ప్రైవేట్ ఆస్పత్రిలో చేర్పించింది. అయితే వైద్యులు ఆ బాలుడికి చికిత్స అందించారు. కానీ వైద్యం వికటించడం కారణంగా చివరికి ఆ పసికందు ప్రాణాలు కోల్పోయాడు. కుమారుడు మృతి చెందిన వార్త విని తల్లి మౌనిక స్పృహ కోల్పోయింది. డాక్టర్లకు బదులు నర్సులు చికిత్స చేయడంతోనే బాలుడు మృతి చెందాడని ఆరోపిస్తూ కుటుంబ సభ్యుల ఆసుపత్రి ఎదుట ఆందోళనకు దిగారు.
