ടൈറ്റാനിക്കിന് സമീപം അവശിഷ്ടങ്ങൾ: പേടകം തകർന്നത് എങ്ങനെ? പേടകത്തിലുണ്ടായിരുന്ന എല്ലാവരും മരിച്ചതായി ഓഷൻ ഗേറ്റ് എക്സ് പെഡിഷൻസ് കമ്പനി സ്ഥിരീകരിച്ചു. തകർന്ന പേടകത്തിൻ്റെ അവശിഷ്ടങ്ങൾ ടൈറ്റാനിക് കപ്പലിൻ്റെ സമീപത്ത് കണ്ടെത്തിയതായി യുഎസ് കോസ്റ്റ് ഗാർഡ് വ്യക്തമാക്കി.തകർന്ന ടൈറ്റാനിക് കപ്പൽ കാണാൻ ആഴക്കടലിലേക്ക് പോയി അപകടത്തിൽപ്പെട്ട ടൈറ്റൺ സമുദ്രപേടകത്തിൽ ഉണ്ടായിരുന്ന അഞ്ച് പേർക്കും ജീവൻ നഷ്ടമായി.അന്തർവാഹിനികളുടെ സാന്നിധ്യവും വളരെ വേഗത്തിൽ തിരിച്ചറിയാൻ കഴിയുന്ന യുഎസിൻ്റെ നിരീക്ഷണ സംവിധാനത്തിലാണ് ശബ്ദം ലഭിച്ചത്. ആശയവിനിമയം നഷ്ടമായ സമയത്താണ് പേടകത്തിൻ്റേതെന്ന് കരുതുന്ന പൊട്ടിത്തെറിയുടെ ശബ്ദം കേട്ടത്. ശബ്ദം കേട്ട ഭാഗത്തുവെച്ചാണ് പേടകവുമായി ബന്ധം നഷ്ടമായതെന്നാണ് നിഗമനം. പൊട്ടിത്തെറിക്കോ, ഉൾവലിഞ്ഞുള്ള പൊട്ടലിനോ സമാനമായ ശബ്ദമാണ് ലഭിച്ചത്.
കടലിനടിയിലെ മർദ്ദം താങ്ങാനാകാതെ പേടകം പൊട്ടിത്തെറിച്ചതാകാമെന്നാണ് പ്രാഥമിക നിഗമനം. പേടകത്തിലെ സമ്മർദ്ദവും കടലിൻ്റെ അടിത്തട്ടിൽ നിന്നുള്ള സമ്മർദ്ദവുമാണ് പൊട്ടിത്തെറിക്ക് കാരണമായതെന്നാണ് നിലവിലെ കണ്ടെത്തൽ. വിശദമായ പരിശോധനയ്ക്ക് ശേഷം മാത്രമേ കൃത്യമായ കാരണം ലഭിക്കൂ. വ്യാഴാഴ്ച പേടകത്തിൻ്റെ വലിയ അവശിഷ്ടങ്ങൾ കണ്ടെത്തിയതിനെ തുടർന്നാണ് ടൈറ്റൺ സമുദ്രപേടകം പൊട്ടിത്തെറിച്ചതെന്ന നിഗമനത്തിലേക്ക് എത്തിയതെന്ന് തെരച്ചിലിൽ സജീവമായിരുന്ന പോൾ ഹാങ്കിൻ പറഞ്ഞു. അഞ്ച് വ്യത്യസ്ത അവശിഷ്ടങ്ങളാണ് കണ്ടെത്തിയത്. ഇത് കാണാതായ പേടകത്തിൻ്റേതാണെന്ന് തിരിച്ചറിയുകയായിരുന്നുവെന്ന് അദ്ദേഹം പറഞ്ഞു. കൂടുതൽ അവശിഷ്ടങ്ങൾക്കായി ടൈറ്റാനിക് കപ്പലിന് സമീപത്ത് തെരച്ചിൽ തുടരുകയാണെന്ന് അദ്ദേഹം കൂട്ടിച്ചേർത്തു.
കണ്ടെത്തിയ അവശിഷ്ടങ്ങളുടെ അടിസ്ഥാനത്തിൽ ടൈറ്റൺ പേടകത്തിലെ അഞ്ചുപേരും കൊല്ലപ്പെട്ടതായി വ്യാഴാഴ്ച യുഎസ് കോസ്റ്റ് ഗാർഡ് സ്ഥിരീകരിച്ചിരുന്നു. ടൈറ്റാനിക് കപ്പലിൻ്റെ അവശിഷ്ടങ്ങൾ കിടക്കുന്നയിടത്തിന് ഒന്നര കിലോമീറ്റർ അകലെ നിന്നാണ് പേടകത്തിൻ്റെ 12 ഭാഗങ്ങൾ ലഭിച്ചത്. ഇതോടെയാണ് പേടകം തകർന്നതായി സ്ഥിരീകരിച്ചത്. യാത്ര ആരംഭിച്ച് രണ്ട് മണിക്കൂറിന് മുൻപ് പേടകവുമായുള്ള ബന്ധം നഷ്ടമായിരുന്നു. ഇതിന് പിന്നാലെയാണ് പേടകം പൊട്ടിത്തെറിച്ചതെന്നാണ് നിലവിൽ കണ്ടെത്തൽ. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിട്ടില്ല. പേടകത്തിൽ നിന്നെന്ന് കരുതുന്ന ശബ്ദതരംഗങ്ങൾ കനേഡിയൻ സംഘത്തിന് ലഭിച്ചിരുന്നു.
എന്നാൽ ഇത് ടൈറ്റൺ പേടകത്തിൽ നിന്നുള്ളതാണെന്ന് സ്ഥിരീകരണം അധികൃതർ നടത്തിയിരുന്നില്ല.തകർന്ന ടൈറ്റാനിക് കപ്പൽ കാണാൻ ആഴക്കടലിലേക്ക് പോയി അപകടത്തിൽപ്പെട്ട ടൈറ്റൺ സമുദ്രപേടകത്തിൽ ഉണ്ടായിരുന്ന അഞ്ച് പേർക്കും ജീവൻ നഷ്ടമായി. പേടകത്തിലുണ്ടായിരുന്ന എല്ലാവരും മരിച്ചതായി ഓഷൻ ഗേറ്റ് എക്സ് പെഡിഷൻസ് കമ്പനി സ്ഥിരീകരിച്ചു. തകർന്ന പേടകത്തിൻ്റെ അവശിഷ്ടങ്ങൾ ടൈറ്റാനിക് കപ്പലിൻ്റെ സമീപത്ത് കണ്ടെത്തിയതായി യുഎസ് കോസ്റ്റ് ഗാർഡ് വ്യക്തമാക്കി.
Find out more:
click and follow Indiaherald WhatsApp channel