మనుషులలో వ్యత్యాసాలు ఉన్నట్లుగా ప్రేమ జంటలలో కూడా వ్యత్యాసాలు ఉంటాయి. మనం నిత్యం మన చుట్టూ ఉండే రకరకాల ప్రేమ జంటలను చూస్తూ ఉంటాం. ఈ ప్రేమ జంటలలో ఆరురకాల జంటలను మనం చూడొచ్చు.
ఆదర్శవంతమైన జంట : చాలా అరుదుగా మాత్రమే ఇలాంటి జంటలు ఉంటాయి. ఈ జంటలు ఇద్దరూ ఇద్దరిలా కాకుండా ఇద్దరూ ఒకరే అనేలా ఉంటాయి. ఆదర్శవంతమైన జంటలు ఇతరులతో కలవడానికి ఎక్కువగా ఇష్టపడవు.
అయోమయం జంట : ఈ జంట ఎప్పుడూ చిన్న చిన్న విషయాలకే గొడవలు పడుతూ ఉంటారు. మరలా కలిసిపోతూ ఉంటారు. ఎన్ని గొడవలు పడినా కలిసుండే తత్వం గలవారు ఈ జంట.
ఆఫీసు జంట : ఈ జంట ప్రేమతో పాటు పనిని కూడా బ్యాలన్స్ చేస్తూ జీవనం సాగిస్తుంది. తమ ప్రేమను ఆఫీసులో తెలియకుండా ఈ జంట జాగ్రత్త పడుతూ ఉంటుంది. కలిసి ఎక్కువ సమయం గడపటానికి ఈ జంటకు సమయం తక్కువగా ఉంటుంది.
పబ్లిక్ జంట : ఈ జంట ఇతరుల ముందు తమ ప్రేమను చూపించటానికి ఎక్కువగా ఇబ్బంది పడరు. ఎంతమంది ఉన్నా సరే ఇతర జంటలు ఈర్ష్య పడే విధంగా చేయడమే ఈ జంట పని. పబ్లిక్ లో తిరగటానికి ఈ జంట ఎక్కువగా ఇష్టపడుతుంది.
తూనీగ తూనీగ జంట : ఈ జంట చిన్నతనం నుండి ఒకరికొకరు అన్నట్లుగా ఉంటారు. అమాయకపు ప్రేమగా మొదలై పరిణతిచెందిన ప్రేమగా వీరి ప్రేమ మారుతుంది. చుట్టుప్రక్కల వారికి పెద్దగా పరిచయం చేయాల్సిన అవసరం లేని ప్రేమ వీరిది.
మిస్టర్ అండ్ మిస్ పర్ ఫెక్ట్ జంట : కోటి జంటలలో ఒక జంట ఈ విధంగా ఉంటుంది. ఒకరికోసం ఒకరు పుట్టినట్లు నిజమైన ప్రేమకు ఈ జంటే నిదర్శనం అన్నట్లు ఒకరి అభివృద్ధి కోసం మరొకరు ఎల్లప్పుడూ శ్రమిస్తూ ఉంటారు. ఈ జంట గొడవ పడినా, ఒకరి కోసం ఒకరు ఏడ్చినా ఒకరి మీద ఒకరికి ప్రేమ పెరుగుతుందే తప్ప తగ్గదు.
