జబర్ధస్త్ అనే షో ద్వారా ఎంట్రీ ఇచ్చిన చంద్ర.. చాలా తక్కువ సమయంలోనే ఊహించని రీతిలో పాపులారిటీని సొంతం చేసుకున్నాడు. తద్వారా వరుస ఆఫర్లు దక్కించుకుంటూ ముందుకెళ్తున్నాడు. దీంతో ఫాలోయింగ్‌ను కూడా భారీగా పెంచుకున్నాడు.ఇలాంటి సమయంలో చమ్మక్ చంద్రను హీరోయిన్ శ్రీదేవి ఫోన్ నెంబర్ అడిగేసింది. దీంతో అక్కడున్న వాళ్లంతా షాకయ్యారు.స్టార్ మాలో ప్రారంభం అయిన 'కామెడీ స్టార్స్' అనే షోలోకి ఎంట్రీ ఇచ్చాడు చంద్ర. ప్రతి ఆదివారం ప్రసారం అయ్యే ఈ షోకు అప్పటి హీరోయిన్ శ్రీదేవి, శేఖర్ మాస్టర్ జడ్జ్‌లుగా వ్యవహరిస్తున్నారు. వర్షిణి యాంకరింగ్ బాధ్యతలు నిర్వహిస్తోంది.  

కామెడీ స్టార్స్'లో చమ్మక్ చంద్ర స్కిట్లు పరిధిని దాటి ఉంటున్నాయన్న విమర్శలు వస్తున్నాయి. దీనికి కారణం కొద్ది రోజులుగా అతడి స్కిట్లలో మసాలా ఎక్కువ అవుతుండడమే. డబుల్ మీనింగ్ డైలాగులతో పాటు వెగటు పుట్టించేలా మేనరిజం చూపించడంతో అతడిపై విమర్శలు వెల్లువెత్తుతున్నాయి. ఇలాంటి పరిస్థితుల్లో గత వారం అతడు చేసిన స్కిట్‌తో విమర్శలు వచ్చాయి.వచ్చే వారం ప్రసారం కానున్న 'కామెడీ స్టార్స్' ఎపిసోడ్ ప్రోమో రెండు రోజుల క్రితం విడుదలైంది. ఇందులో కూడా చమ్మక్ చంద్ర ఫ్యామిలీ స్కిట్‌నే చేశాడు. రావడం రావడమే అదిరిపోయే సాంగ్‌తో సందడి చేసిన అతడు..

 ఆ వెంటనే తన పంథాలో సాగే ఓ కుటుంబ నేపథ్యం ఉన్న స్కిట్‌ను ప్రారంభించాడు. ఇలాంటి సమయంలోనే జడ్జ్ శ్రీదేవి విజయ్‌కుమార్ చంద్రను ఫోన్ నెంబర్ అడిగింది.ఎప్పటి లాగే చమ్మక్ చంద్ర.. భర్తల కష్టాల గురించి ఈ స్కిట్‌లో చెప్పుకొస్తున్నాడు. ఇంతలో అతడి కొడుకు క్యారెక్టర్ వచ్చి 'నాన్న ప్రపంచంలో నీరు మూడు శాతం, భూమి ఒక శాతం ఉందంట నిజమేనా' అనగా 'అది కూడా లేదురా. భర్తల కన్నీళ్లతో నీరుగా మారింది' అని బదులిచ్చాడు. దీంతో వెంటనే శ్రీదేవి కలగజేసుకుని 'చంద్ర ఒకసారి మీ వైఫ్ ఫోన్ నెంబర్ ఇవ్వండి' అంటూ అడిగేసింది. దీంతో అక్కడున్న వాళ్లంతా ఒక్కసారిగా షాక్ అయిపోయారు...!!