పవన్ కళ్యాణ్ హీరోగా క్రిష్ డైరెక్షన్ లో తెరకెక్కుతున్న హరిహర వీరమల్లు సినిమాపై భారీస్థాయిలో అంచనాలు ఏర్పడ్డాయి. త్వరలో ఈ సినిమా రెగ్యులర్ షూటింగ్ కూడా మొదలుకానుండగా ఈ సినిమా ప్రేక్షకుల అంచనాలకు భిన్నంగా నెక్స్ట్ లెవెల్ లో ఉండనుందని కామెంట్లు వినిపిస్తున్నాయి.
హరిహర వీరమల్లు సినిమా వచ్చే ఏడాది మే 12వ తేదీన థియేటర్లలో విడుదల కానుందని సమాచారం అందుతోంది. ఈ ఏడాది అదే తేదీన విడుదలైన సర్కారు వారి పాట సినిమా బ్లాక్ బస్టర్ హిట్ గా నిలిచిన విషయం తెలిసిందే.
సర్కారు వారి పాట బాక్సాఫీస్ వద్ద సక్సెస్ సాధించగా హరిహర వీరమల్లు సినిమా కూడా ఆ సెంటిమెంట్ ను రిపీట్ చేసే ఛాన్స్ అయితే ఉందని కామెంట్లు వ్యక్తమవుతున్నాయట.. హరిహర వీరమల్లు పవన్ కెరీర్ లో బిగ్గెస్ట్ హిట్ గా నిలిచే అవకాశాలు అయితే కనిపిస్తున్నాయి. ఈ సినిమా పూర్తైన తర్వాతే పవన్ ఇతర సినిమాల షూటింగ్ లలో పాల్గొననున్నారు. పవన్ కు జోడీగా నిధి అగర్వాల్ ఈ సినిమాలో నటిస్తుండగా ఈ సినిమా ఒక విధంగా క్రిష్ కెరీర్ ను డిసైడ్ చేయనుందని తెలుస్తుంది.
ఈ సినిమా సక్సెస్ సాధిస్తేనే క్రిష్ కు స్టార్ హీరోలు ఆఫర్లు ఇచ్చే ఛాన్స్ అయితే ఉంది. క్రిష్ కెరీర్ విషయంలో ఆచితూచి అడుగులు వేస్తున్నారు. క్రిష్ గత సినిమా కొండపొలంకు పాజిటివ్ టాక్ వచ్చినా కమర్షియల్ గా ఈ సినిమా సక్సెస్ సాధించలేదనే విషయం తెలిసిందే. పవన్ కళ్యాణ్ ఈ సినిమా కోసం 60 కోట్ల రూపాయల రేంజ్ లో రెమ్యునరేషన్ తీసుకుంటున్నారు.
పవన్ హరిహర వీరమల్లు కోసం లుక్ మార్చుకోవాల్సి ఉండటంతో ఈ సినిమా పూర్తయ్యే వరకు పవన్ మరో సినిమాలో నటించే అవకాశం లేదట. కెరీర్ విషయంలో పవన్ ఆచితూచి అడుగులు వేస్తున్నారు. అత్తారింటికి దారేది తర్వాత పవన్ ఖాతాలో ఇండస్ట్రీ హిట్ లేదనే విషయం తెలిసిందే. ఈ సినిమాతో ఆ లోటు తీరుతుందని ఫ్యాన్స్ భావిస్తున్నారు.
