అక్టోబర్ 21, సాయంత్రం 8:15 సమయంలో టైటిల్ లాంచ్‌కి ముహూర్తం ఖరారు చేశారు. విశేషం ఏమిటంటే.. టాలీవుడ్‌లో తొలిసారిగా కొండా రెడ్డి బురుజు వేదికగా ఇటువంటి వేడుక జరుపుకుంటున్న చిత్రం 107నే కావడం. ఈ వేడుక కోసం ఫ్యాన్స్ ఎంతగానో వేచి చూస్తున్నారు. కాగా, మైత్రీ మూవీ మేకర్స్ పతాకంపై నిర్మాతలు నవీన్ యెర్నేని, వై రవిశంకర్ ఈ చిత్రాన్ని భారీగా నిర్మిస్తున్నారు. బాలకృష్ణ, గోపీచంద్ మలినేని చిత్రాలకు బ్లాక్ బస్టర్ ఆల్బమ్‌లను అందించిన సంగీత సంచలనం ఎస్ థమన్ ఈ107కి సంగీతం అందిస్తున్నారు. రిషి పంజాబీ సినిమాటోగ్రఫర్ గా పని చేస్తున్నారు. స్టార్ రైటర్ సాయి మాధవ్ బుర్రా డైలాగ్స్ అందించగా,నవీన్ నూలి ఎడిటర్‌గా, ఎఎస్ ప్రకాష్ ప్రొడక్షన్ డిజైనర్‌గా పని చేస్తున్నారు. బాలయ్య సరసన శృతిహాసన్ హీరోయిన్‌గా నటిస్తోన్న ఈ చిత్రంలో దునియా విజయ్, వరలక్ష్మి శరత్‌కుమార్ కీలక పాత్రలలో కనిపించనున్నారు.
