మిస్సమ్మ సినిమా 1955 లో విడుదల అయ్యి ఘనవిజయం సాధించింది. ఆ తర్వాత ఒక దశాబ్ద కాలం పాటు ఈ జంట ఎన్నో సినిమాల్లో అద్భుతమైన పాత్రల్లో నటించి మంచి కాంబినేషన్ అనిపించుకున్నారు. అయితే ఒకసారి ఎన్టీఆర్ తో నటించను అంటూ చెప్పి ఒక సినిమా నుంచి కావాలనే తప్పించుకుందట. ఆ వివరాల్లోకి వెళ్తే, 1965 ఎన్టీఆర్ హీరోగా సత్య హరిశ్చంద్ర సినిమా తీయాలని విజయ సంస్థ నిర్ణయించుకుందట. అయితే ఈ సినిమాలో హీరోయిన్ పాత్ర ఎప్పటి లాగానే సావిత్రి కి ఇవ్వాలని అనుకున్నారట. ఆమెకి కథ చెప్పగానే సంతోషంగా ఒప్పుకుందటషూటింగ్ మొదలవ్వడానికి కొన్ని రోజులకు ముందు సావిత్రి దగ్గరికి విజయ సంస్థ లో పని చేసే ఒక వ్యక్తి వెళ్ళాడట... ఆ సమయంలో సత్య హరిశ్చంద్ర సినిమా గురించి ప్రస్తావన రాగానే చంద్రమతి పాత్ర ఎందుకు ఒప్పుకున్నావ్ అని నేరుగా అడిగేశాడట. అప్పటికే సదరు వ్యక్తికి సంస్థకి ఏవో కొన్ని ఇగో సమస్యలు ఉండటం తో సావిత్రిని ఆ సినిమా నుంచి తప్పించాలని అనుకున్న ఆ వ్యక్తి సావిత్రి మైండ్ ని మార్చేసాడట. విజయ సంస్థ అంతకు ముందు తీసిన జగదేకవీరుడు సినిమాలో నీకు ఎందుకు అవకాశం ఇవ్వలేదు. అది రొమాంటిక్ పాత్ర అని అందుకు నువ్వు పనికి రావని వాళ్ళు అనుకున్నారని చెప్పాడట. అంతే కాదు పెద్ద వయసు తల్లి పాత్రను నీచేత చేయించి నువ్వు హీరోయిన్ గా పనికి రావు అని ముద్ర వేస్తారా అంటూ ఆమెకు లేనిపోనివి అన్ని చెప్పేశాడట. ఇవన్నీ నమ్మిన సావిత్రి ఆ సినిమాలో ఎన్టీఆర్ పక్కన నటించను అంటూ నోటికి వచ్చిన అబద్దం చెప్పి ఆ సినిమా నుంచి తప్పుకుందట.
