ప్రస్తుతం పాన్ ఇండియా రెబల్ స్టార్ ప్రభాస్  చేతిలో అరడజను సినిమాలు ఉన్నాయి. దాదాపు అన్ని కూడా భారీ బడ్జెట్తో కూడిన పెద్ద చిత్రాలే. ఇక వీటిన్నిటిలో మోస్ట్ యాంటిసిపేటెడ్ మూవీ ‘సలార్’.ఎందుకంటే కేజీఎఫ్ (KGF) దర్శకుడు ప్రశాంత్ నీల్ ఈ సినిమాని డైరెక్ట్ చేస్తుండడంతో ఈ మూవీ పై పాన్ ఇండియా వైడ్ గా ఎన్నో భారీ అంచనాలు నెలకొన్నాయి. ప్రస్తుతం షూటింగ్ దశలో ఉన్న ఈ సినిమా తదుపరి షెడ్యూల్ కోసం ఇటలీ వెళ్లనుంది. ఇక ఈ విషయాన్ని ఇటలీ మీడియా కూడా ప్రింట్ చేయడం గమనార్హం. అయితే ఈ సినిమా గురించి ఒక ఇంటరెస్టింగ్ టాపిక్ ఒకటి బయటకి వచ్చింది. ఈ మూవీ కేవలం పాన్ ఇండియా వైడ్ కాదట, పాన్ వరల్డ్ మూవీగా విడుదల కాబోతుంది.ఈ సినిమాని తెలుగు, తమిళ, కన్నడ, మలయాళ ఇంకా హిందీ భాషల్లో తెరకెక్కిస్తున్న సంగతి తెలిసిందే. తాజాగా ఈ సినిమాని ఇంగ్లీష్ లాంగ్వేజ్ లో కూడా విడుదల చేయడానికి సిద్ధమవుతున్నారని సమాచారం తెలుస్తుంది.


కుదిరితే అన్ని భాషలతో పటు ఒకేసారి, లేదా తరువాత అయిన విడుదల చేయనున్నారట. మరి ఈ వార్తలో నిజమెంత ఉంది అనేది తెలియాలి అంటే మూవీ యూనిట్ నుంచి అధికారిక ప్రకటన రావాల్సిందే. ఇక ఈ సినిమాలో శృతి హాసన్ ప్రభాస్ సరసన హీరోయిన్ గా నటిస్తుంది.ఇటీవలే ఈ హాట్ బ్యూటీ పాత్రకి సంబంధించిన షూటింగ్ మొత్తం కూడా పూర్తి అయ్యింది.కేజీఎఫ్ చిత్రాలు నిర్మించిన హొంబాలే ఫిలింస్ ఈ సినిమాని దాదాపు 200 కోట్ల బడ్జెట్ తో భారీగా నిర్మిస్తున్నారు. మలయాళ నటుడు పృథ్వీరాజ్ సుకుమారన్ ఇంకా అలాగే జగపతి బాబు విలన్ పాత్రలు పోషిస్తున్నారు. రవి బస్రూర్ సంగీతం అందిస్తున్న ఈ మూవీ ఈ ఏడాది సెప్టెంబర్ లో ప్రేక్షకుల ముందుకు రానుంది. ఇక ప్రభాస్ నటించిన మరో మూవీ ఆదిపురుష్ గ్రాఫిక్స్ కారణంగా పోస్ట్‌పోన్ అయ్యిన సంగతి తెలిసిందే. ఈ సినిమా రిలీజ్ దగ్గర పడుతున్నా కూడా ఇంకా ఎటువంటి అప్డేట్ ఇవ్వకపోవడంతో ప్రభాస్ ఫాన్స్ దర్శకుడు ఓం రౌత్ పై ఆగ్రహం వ్యక్తం చేస్తున్నారు.

మరింత సమాచారం తెలుసుకోండి: