ಕೊರೊನಾ ಮತ್ತು ಲಾಕ್ಡೌನ್ನಿಂದ ಇಡೀ ಚಿತ್ರರಂಗ ಬಂದ್ ಆಗಿದೆ. ತಮ್ಮ ನೆಚ್ಚಿನ ಸ್ಟಾರ್ಗಳನ್ನ ತೆರೆಮೇಲೆ ನೊಡೋಕ್ಕಾಗದೇ ಅಭಿಮಾನಿಗಳು ಕೂಡ ನಿರಾಶೆಯಾಗಿದ್ದಾರೆ. ಆದರೆ, ಶಿವಣ್ಣನ ಅಭಿಮಾನಿಗಳಿಗೆ ಇಲ್ಲೊಂದು ಸ್ವೀಟ್ ನ್ಯೂಸ್ ಇದೆ. ಅವರ ಬರ್ಥ್ ಡೇ ಪ್ರಯುಕ್ತ ಫ್ಯಾನ್ಸ್ ಸ್ಪೆಷಲ್ ಗಿಫ್ಟ್ ಕೊಡ್ತಿದ್ದಾರೆ. ಅಷ್ಟಕ್ಕೂ ಆ ಸ್ಪಷಲ್ ಏನು ಅಂತೀರ ಇಲ್ಲಿದೆ ನೋಡಿ..?
ಸ್ಯಾಂಡಲ್ವುಡ್ನಲ್ಲಿ ಸಿನಿಮಾ ಶೂಟಿಂಗ್ ರಿಲೀಸ್ ಇಲ್ಲದೇ, ಸ್ಟಾರ್ಗಳು ಮನೆಯಲ್ಲಿಯೇ ಕಾಲ ಕಳೆಯೋ ಹಾಗಾಗಿದೆ. ಇತ್ತ ಅಭಿಮಾನಿಗಳು ಕೂಡ ನೆಚ್ಚಿನ ಹೀರೋಗಳನ್ನ ನೋಡೋಕ್ಕಾಗದೇ ನಿರಾಶೆಯಲ್ಲಿದ್ದಾರೆ. ಸಿನಿಮಾ ರಿಲೀಸ್ ಅಷ್ಟೇ ಅಲ್ಲಾ. ಅವರ ಬರ್ತ್ಡೇ ಸೆಲೆಬ್ರೇಷನ್ ಕೂಡ ಮಿಸ್ ಮಾಡಿಕೊಳ್ತಿದ್ದಾರೆ ಫ್ಯಾನ್ಸ್.
ಸದ್ಯ ಈಗ ಇಡೀ ಕರುನಾಡೇ ಕಾಯ್ತಿರೋದು ಹ್ಯಾಟ್ರಿಕ್ ಹೀರೋ ಶಿವಣ್ಣನ ಹುಟ್ಟುಹಬ್ಬದ ಸಂಭ್ರಮಕ್ಕೆ. ಜುಲೈ 12 ಅಂದ್ರೆ ಮುಂದಿನ ತಿಂಗಳು ಸೆಂಚೂರಿ ಸ್ಟಾರ್ ಹುಟ್ಟುಹಬ್ಬ. ಆದರೆ, ಈ ಕೊರೊನಾ ಮತ್ತು ಲಾಕ್ಡೌನ್ನಿಂದ ಈ ಬಾರಿ ಶಿವಣ್ಣನ ಹುಟ್ಟುಹಬ್ಬಕ್ಕೆ ಬ್ರೇಕ್ ಬೀಳಲಿದೆ. ಹೆಚ್ಚು ಜನ ಸೇರಲು ಅವಕಾಶವಿಲ್ಲದ ಕಾರಣ , ಪ್ರತಿವರ್ಷದಂತೆ ಈ ವರ್ಷ ಅಭಿಮಾನಿಗಳು ಗ್ರ್ಯಾಂಡ್ ಆಗಿ ಹುಟ್ಟುಹಬ್ಬ ಆಚರಿಸೋಕ್ಕೆ ಸಾಧ್ಯವಿಲ್ಲ.
ಈ ಬಾರಿ ಶಿವಣ್ಣನ ಬರ್ತ್ಡೇ ಸೆಲೆಬ್ರೇಟ್ ಮಾಡೋಕ್ಕಾಗಲ್ಲ ಅಂತ ಬೇಸರದಲ್ಲಿರೋ ಅಭಿಮಾನಿಗಳಿಗೆ ಭಜರಂಗಿ 2 ಚಿತ್ರತಂಡದಿಂದ ಸ್ಪೆಷಲ್ ಗಿಫ್ಟ್ವೊಂದು ಸಿಗಲಿದೆ. ಜುಲೈ 12 ರಂದು ಶಿವಣ್ಣನ ಬತ್ಡೇ ಪ್ರಯುಕ್ತ , ನಿರ್ದೇಶಕ ಹರ್ಷ, ತಮ್ಮ ಭಜರಂಗಿ 2 ಚಿತ್ರದ ಸ್ಪೆಷಲ್ ವಿಡಿಯೋವೊಂದನ್ನ ಶಿವಣ್ಣನ ಅಭಿಮಾನಿಗಳಿಗೆ ನೀಡ್ತಿದ್ದಾರೆ. ಇದು ಟೀಸರೂ ಅಲ್ಲ. ಟ್ರೈಲರೂ ಅಲ್ಲ. ಭಜರಂಗಿ 2 ಚಿತ್ರದ ಜಾನರ್ ಮತ್ತು ಶಿವಣ್ಣನ ಲುಕ್ ಮಾತ್ರ ಈ ವಿಡಿಯೋದಲ್ಲಿ ರಿವೀಲ್ ಆಗಲಿದೆ. ಸುಮಾರು ಒಂದೂವರೆ ನಿಮಿಷದ ಈ ಸ್ಪೆಷಲ್ ವಿಡಿಯೋ ಜುಲೈ 12 ರಂದು ಹೇಗೆ, ಎಷ್ಟು ಗಂಟೆಗೆ ರಿಲೀಸ್ ಆಗುತ್ತೆ ಅನ್ನೋದನ್ನ ಸದ್ಯದಲ್ಲೇ ಅನೌನ್ಸ್ ಮಾಡಲಿದ್ದಾರೆ ನಿರ್ದೇಶಕ ಎ.ಹರ್ಷ.
ಭಜರಂಗಿ ಸಿನಿಮಾದ ಶೂಟಿಂಗ್ ಆಲ್ಮೋಸ್ಟ್ ಕೊನೆಯ ಹಂತದಲ್ಲಿದೆ. ಇನ್ನು 10 ದಿನಗಳ ಚಿತ್ರೀಕರಣ ಮುಗಿಸಿದ್ರೆ ಅಲ್ಲಿಗೆ ಭಜರಂಗಿ 2 ಶೂಟಿಂಗ್ ಕಂಪ್ಲೀಟ್ ಆಗುತ್ತೆ. ಚಿತ್ರದ ಪ್ರಮುಖ ಭಾಗವಾದ ಕ್ಲೈಮಾಕ್ಸ್,್ ಇಂಟರ್ವಲ್ ಬ್ಲಾಕ್ ಎಲ್ಲದರ ಚಿತ್ರೀಕರಣ ಮುಕ್ತಾಯವಾಗಿದೆ. 300, 500 ಜನ ಭಾಗವಹಿಸಿದ್ದ ಸೀಕ್ವೆನ್ಸ್ಗಳು ಕಂಪ್ಲೀಟ್ ಆಗಿದೆ. ಇನ್ನೇನಿದ್ರು ಶಿವಣ್ಣನ 3 ದಿನಗಳ ಚಿತ್ರೀಕರಣ, ಉಳಿದ ಕ್ಯಾರೆಕ್ಟರ್ಗಳ 8 ದಿನಗಳ ಚಿತ್ರೀಕರಣ ಬಾಕಿಯಿದೆ.
ಈ ಹಿಂದೆ ಕೂಡ ಭಜರಂಗಿ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದ್ದು,ಅದ್ಬುತವಾದ ರೆಸ್ಪಾನ್ಸ್ ಪಡೆದುಕೊಂಡಿತ್ತು. ಭಜರಂಗಿ ಸೂಪರ್ ಸಕ್ಸಸ್ ಬೆನ್ನಲ್ಲೇ ಭಜರಂಗಿ 2 ಚಿತ್ರಕ್ಕೂ ನಿರೀಕ್ಷೆ ಹೆಚ್ಚಾಗಿದೆ. ಎಲ್ಲಾ ಅಂದುಕೊಂಡಂತೆ ಆದರೆ ಡಿಸೆಂಬರ್ ಅಥವಾ ಜನವರಿ ವೇಳೆಗೆ ಭಜರಂಗಿ 2 ತೆರೆಗೆ ಬರ್ಲಿದೆ.
