ఏదేమైనా స్పెషల్ సాంగ్స్ లో స్టార్ హీరోయిన్ కనిపిస్తే ఆ కిక్కే వేరు. ఇక అల్లు అరవింద్ నిర్మాణంలో బోయపాటి దర్శకత్వంలో రూపుదిద్దుకున్న చిత్రం "సరైనోడు" సూపర్ హిట్ ను అందుకుంది. అల్లు అర్జున్ రకుల్ ప్రీత్ సింగ్ జంటగా నటించిన ఈ చిత్రం 2016, ఏప్రిల్ 22 సమ్మర్ స్పెషల్ గా రిలీజ్ అయి సంచలనం సృష్టించింది. ఆది, క్యాథరిన్ థ్రెసా లు ముఖ్య భూమికలు పోషించారు. మాస్ దర్శకుడిగా పేరు తెచ్చుకున్న బోయపాటి కొత్త సినిమాలో స్పెషల్ సాంగ్ ని కూడా అంతే మాస్ గా ఉండేలా డిజైన్ చేసుకున్నాడు.
అందులోనూ ఆ సాంగ్ కి స్టార్ హీరోయిన్ అంజలిని ఎంపిక చేసి అందరినీ ఆశ్చర్య పరిచాడు. హీరోయిన్ అంజలి అనగానే తెలుగుదనానికి పరికిణీ వేసినట్టుగా ఉంటుంది, ఆమె చేసిన పాత్రలు కూడా అంతే అందంగా తెలుగుదనాన్ని ఉట్టి పడేలా చేస్తాయి. అలాంటిది ఈ సినిమాలో స్పెషల్ సాంగ్ కోసం అంజలి వేసిన ఊర మాస్ స్టెప్పులు ప్రేక్షకులకు షాక్ ఇవ్వడమే కాదు టాలీవుడ్ నే షేక్ చేశాయి. "చిలకలూరి చింతామణి"..అంటూ ఈ పాట ప్రేక్షకులతో విజిల్స్ వేయించింది. ఈ సాంగ్ సినిమాకే హైలెట్ గా నిలిచింది అనడంలో ఎటువంటి అతిశయోక్తి లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి