ఇకపోతే ఈ సినిమా నుంచి విడుదలైన మొదటి పాట భేషరమ్ రంగు పాట సినిమాకు కాంట్రవర్సీలతోనే భారీ బస్ తీసుకొచ్చిందని చెప్పవచ్చు. ముఖ్యంగా ఈ సినిమాలో దీపికా పదుకొనే కాషాయపు రంగు బికినీ ధరించడం పెద్ద ఎత్తున చర్చలకు దారితీసింది ఇండియన్ సినిమాలలో హీరోయిన్లు ఇలా సినిమాలలో బికినీలు ధరించడం ఖండిస్తూ చాలామంది ప్రేక్షకులు సినిమా విడుదలను అడ్డుకుంటామని పెద్ద ఎత్తున వివాదాలు సృష్టించిన విషయం తెలిసిందే. అంతేకాదు సెన్సార్ బోర్డు కూడా ఈ సినిమాలోని అసభ్యకర సన్నివేశాలను తొలగించాలని తిప్పి పంపింది. మొన్నటి వరకు కూడా ఈ సినిమా విమర్శలు ఎదుర్కొంది.
ఇకపోతే ఈ సినిమా రిలీజ్ డేట్ దగ్గర పడుతున్న నేపథ్యంలో చిత్రబృందం ప్రమోషన్స్ వేగవంతం చేస్తున్నారు. ఈ క్రమంలోని దీపికా పదుకొనే షారుఖ్ ఖాన్ ముఖ్యమైన నగరాలలో సినిమా ప్రమోషన్స్ కై మీడియా ముందుకు వచ్చి మరొకసారి సినిమాపై హైప్ పెంచే ప్రయత్నం చేస్తున్నారు. ఈ క్రమంలోనే గుజరాత్ ప్రభుత్వం కూడా తాజాగా షారుఖ్ ఖాన్ నటించిన పఠాన్ సినిమాకు భరోసా ఇచ్చినట్లు తెలుస్తోంది. షారుక్ ఖాన్ నటిస్తున్న పఠాన్ చిత్రానికి రక్షణ కల్పిస్తామని గుజరాత్ ప్రభుత్వం తాజాగా హామీ ఇచ్చింది ఇందుకోసం గుజరాత్ లో భారీగా విడుదలకు ఎదురుచూస్తున్నట్లు స్పష్టం చేసింది.
