సిద్ధూ జొన్నలగడ్డ నటించిన టిల్లు స్క్వేర్ సక్సెస్ మీట్ కి ఎన్టీఆర్ ముఖ్య అతిథిగా హాజరయ్యాడు. టిల్లు స్క్వేర్ సక్సెస్ మీట్లో ఎన్టీఆర్ ప్రెజెన్స్ జోష్ నింపింది. వీటన్నింటికీ ఎన్టీఆర్ స్పీచ్ ఫ్యాన్స్ కి పూనకాలు తెప్పించింది. గొప్ప వాక్చాతుర్యం కలిగిన ఎన్టీఆర్ ఆడియన్స్ ని ఓలలాడించాడు. కాగా ఈ వేడుక కోసం ఎన్టీఆర్ ధరించిన వాచ్ ఫ్యాన్స్ ని ఆకర్షించింది. దాని వివరాలు తెలుసుకుని షాక్ అయ్యారు.ఆడేమార్స్ పిగెట్ రాయల్ ఓక్ బ్రాండ్ కి చెందిన సదరు వాచ్ ధర $ 189,000. ఇండియన్ కరెన్సీలో చెప్పాలంటే రూ. 1,57,32,455. అంటే కోటిన్నర రూపాయలు అన్నమాట. ఒక వాచ్ ఖరీదు కోటి రూపాయల కంటే ఎక్కువంటే సామాన్యమైన విషయం కాదు. ఎన్టీఆర్ వద్ద ఉన్న మరో వాచ్ ధర రూ. 8 కోట్ల ఉంటుందని సమాచారం. అది ఎన్టీఆర్ రేంజ్.
ఎన్టీఆర్ టాలీవుడ్ టాప్ స్టార్స్ లో ఒకరిగా ఉన్నారు. ఆయన ఒక్కో సినిమాకు రూ. 80 - 100 కోట్లు తీసుకుంటున్నారు. కాబట్టి ఆయనకు కోటి రూపాయలు చాలా తక్కువ మొత్తమే. ఇక ఎన్టీఆర్ సినిమాల గురించి మాట్లాడాలంటే... దేవర షూటింగ్ లో బిజీగా ఉన్నారు. దర్శకుడు కొరటాల శివ తెరకెక్కిస్తున్న దేవర దసరా కానుకగా అక్టోబర్ 10న విడుదల కానుంది. జాన్వీ కపూర్ హీరోయిన్ గా నటిస్తుంది.అలాగే ఎన్టీఆర్ వార్ 2లో నటిస్తున్నారు. హృతిక్ రోషన్-ఎన్టీఆర్ ల మల్టీస్టారర్ గా వార్ 2 తెరకెక్కుతుంది. యష్ రాజ్ ఫిల్మ్స్ నిర్మిస్తుండగా అయాన్ ముఖర్జీ దర్శకుడు. వార్ 2 అవుట్ అండ్ అవుట్ యాక్షన్ ఎంటర్టైనర్. దేవర, వార్ 2 చిత్రాల అనంతరం ఎన్టీఆర్ కె జి ఎఫ్ డైరెక్టర్ ప్రశాంత్ నీల్ దర్శకత్వంలో మూవీ చేయనున్నారు. ఎన్టీఆర్ నుంచి వస్తున్న ప్రతి ప్రాజెక్టు పై అంచనాలు ఉన్నాయి.
