రెండో రోజు అయిన శుక్రవారం కూడా సినిమా స్పీడ్ తగ్గించలేదు. ఇండియాలో రూ.8 కోట్ల నెట్ వసూలు చేసింది. దీంతో కేవలం రెండు రోజుల్లోనే ₹55.5 కోట్ల నెట్ కలెక్షన్స్ సాధించింది. తెలుగు రాష్ట్రాల్లో ఈ చిత్రం మంచి ఆక్యుపెన్సీతో రన్ అవుతోంది. ఉదయం షోలలో 17.75%, మధ్యాహ్నం 20.17%, సాయంత్రం 27.21%, రాత్రి 32.53% ఆక్యుపెన్సీ నమోదైంది. హైదరాబాద్, మహబూబ్ నగర్, వరంగల్ వంటి కేంద్రాల్లో 30-45% రేంజ్‌లో హౌస్‌ఫుల్ రన్ జరుగుతోంది. వీకెండ్ ఎఫెక్ట్‌తో శని, ఆదివారాల్లో కలెక్షన్లు మరింతగా పెరిగే అవకాశాలు పుష్కలంగా ఉన్నాయి. తెలుగు రాష్ట్రాలతో పాటు హిందీ, తమిళ, కన్నడ, మలయాళ భాషల్లో విడుదలైన ఈ సినిమాకు పాన్ ఇండియా లెవెల్లో మంచి రెస్పాన్స్ వస్తోంది.
కథలోకి వెళ్తే, హరిహర వీరమల్లు అనే ఓ వీర యోధుడి పాత్రలో పవన్ కళ్యాణ్ మెరిశాడు. ఆయన సరసన నిధి అగర్వాల్ ఆకట్టుకున్నారు. సత్యరాజ్, నర్గీస్ ఫక్రీ, నోరా ఫతేహి, సునీల్ కీలక పాత్రలు పోషించారు. ముఖ్యంగా కోట శ్రీనివాసరావు చివరిసారిగా స్క్రీన్‌పై కనిపించడం సినిమాకు మరో ఎమోషనల్ హై పాయింట్. పీరియాడిక్ డ్రామా, మాస్ ఎలివేషన్స్, పవన్ మేనరిజం కలగలిసి హరిహర వీరమల్లు సినిమాను థియేటర్లలో మినీ ఫెస్టివల్‌లా మార్చేశాయి. రాబోయే రోజుల్లో ఈ మూవీ రూ.100 కోట్ల క్లబ్‌లోకి ఎంటర్ అవ్వడం ఖాయం అంటున్నారు ట్రేడ్ పండితులు. పవన్ ఫ్యాన్స్‌కి ఇది నిజంగా ఒక కళ్లాపెద్ద వేడుకే!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి