ఈ సినిమాను అనిల్ రావిపూడి తెరకెక్కిస్తున్నారు. ఆయన ప్రత్యేకమైన ఎంటర్టైన్మెంట్ టచ్‌కి ప్రసిద్ధి. అందువల్ల చిరంజీవి - అనిల్ రావిపూడి కాంబినేషన్‌పై భారీ అంచనాలు ఉన్నాయి. చిరంజీవి గారిని పూర్తిగా ఫ్యామిలీ ఎంటర్టైనర్ షేడ్‌లో చూపించబోతున్నారని టాక్ వినిపిస్తోంది. హీరోయిన్‌గా నయనతార నటిస్తుండగా, ఈ జంటను మళ్లీ తెరపై చూడటం కోసం ప్రేక్షకులు ఎదురు చూస్తున్నారు. మెగాస్టార్ కూతురు సుస్మిత కొణిదెల సహ నిర్మాతగా వ్యవహరించడం మరో ప్రత్యేకత. చిరంజీవి గారి పాత్రలో ఫ్యామిలీ ఎమోషన్, కామెడీ, యాక్షన్ అన్నీ సమపాళ్లలో ఉంటాయని టీమ్ చెబుతోంది. మొత్తానికి, సమ్మె వల్ల తాత్కాలికంగా ఆలస్యం జరిగినా, టీమ్ ప్లానింగ్ బలంగా ఉండటంతో సంక్రాంతి బరిలో ‘మన శంకర వరప్రసాద్ గారు’ ఖచ్చితంగా ప్రేక్షకులను అలరించబోతోందని చెప్పవచ్చు. ఈ చిత్రం విడుదలపై అభిమానుల్లో మళ్లీ నమ్మకం పెరిగింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి