ఇటీవల ఒక కార్యక్రమంలో పాల్గొన్న తమన్నా తన సినీ ప్రయాణం, ఇండస్ట్రీలో తనకు ఎదురైన అనుభవాలు, ముఖ్యంగా స్టార్ హీరోలతో తనకున్న అనుబంధం గురించి కొన్ని ఆసక్తికరమైన విషయాలను పంచుకుంది. ఈ సందర్భంగా పలువురు ప్రముఖ హీరోల గురించి మాట్లాడుతూ వారితో పని చేసిన సందర్భాలను గుర్తు చేసుకుంది. ఆమె చెప్పిన వ్యాఖ్యలు ఇప్పుడు సోషల్ మీడియాలో విస్తృతంగా చర్చకు దారితీస్తున్నాయి.మొదటగా తమిళ స్టార్ హీరో విజయ్ గురించి మాట్లాడిన తమన్నా, ఆయన వ్యక్తిత్వాన్ని ఎంతో ప్రశంసించింది. విజయ్ చాలా నిరాడంబరమైన వ్యక్తి అని, ఎంత పెద్ద స్టార్ అయినా కూడా తనలో ఎలాంటి అహంకారం ఉండదని ఆమె తెలిపింది. షూటింగ్ సమయంలో ఆయన చాలా సింపుల్గా అందరితో కలిసిపోతారని, యూనిట్లో ఉన్న ప్రతి ఒక్కరిని గౌరవంగా చూసుకుంటారని ఆమె పేర్కొంది. ఆయనకు మంచి మనసు ఉందని, అందుకే అభిమానులు మాత్రమే కాదు, సహనటీనటులు కూడా ఆయనను ఎంతో ఇష్టపడతారని చెప్పింది.
ఇక డ్యాన్స్ విషయానికి వస్తే, విజయ్తో పాటు తారక్ కూడా అద్భుతమైన డ్యాన్సర్ అని తమన్నా అభిప్రాయపడింది. ఈ ఇద్దరూ స్క్రీన్పై కనిపిస్తే ప్రేక్షకులు ఎంతో ఎంజాయ్ చేస్తారని ఆమె చెప్పింది. ఎన్టీఆర్ డ్యాన్స్ ఎనర్జీ చాలా ప్రత్యేకమని, ఆయనతో పనిచేసినప్పుడు ఆ ఎనర్జీని దగ్గరగా చూసే అవకాశం తనకు దక్కిందని ఆమె గుర్తు చేసుకుంది.తమిళ సూపర్ స్టార్ అజిత్ గురించి మాట్లాడుతూ తమన్నా ఒక ఆసక్తికరమైన సంఘటనను బయటపెట్టింది. వీరం సినిమా షూటింగ్ సమయంలో జరిగిన సంఘటనను గుర్తు చేసుకుంటూ, ఒకరోజు షూటింగ్ విరామ సమయంలో అజిత్ తన క్యారవాన్లో స్వయంగా వంట చేసి తనకు ఇడ్లీ పెట్టారని చెప్పింది. ఒక స్టార్ హీరో స్వయంగా వంట చేసి సహనటి కోసం పెట్టడం చూసి తాను ఆశ్చర్యపోయానని ఆమె తెలిపింది. అజిత్ చాలా మంచి మనసున్న వ్యక్తి మాత్రమే కాకుండా, పరిపూర్ణ కుటుంబ మనిషి కూడా అని ఆమె పేర్కొంది. ఆయనకు వంట చేయడం చాలా ఇష్టమని, షూటింగ్కు వచ్చినప్పుడు కూడా అప్పుడప్పుడూ యూనిట్ సభ్యుల కోసం స్వయంగా వంట చేస్తారని ఆమె వెల్లడించింది.
ఇక ఐకాన్ స్టార్ బన్నీ గురించి మాట్లాడుతూ తమన్నా ఎంతో ప్రేమతో మాట్లాడింది. తన కెరీర్ ప్రారంభ దశలోనే ఆయనతో కలిసి పనిచేసినట్లు ఆమె గుర్తు చేసుకుంది. అప్పటినుంచే ఆయనలో ఒక ప్రత్యేకమైన స్టైల్ ఉందని, తెరపై మాత్రమే కాకుండా కెమెరా వెనుక కూడా ఆయన చాలా స్టైలిష్గా ఉండేవారని ఆమె తెలిపింది. దాదాపు 15 ఏళ్ల క్రితమే ఆయన స్టైల్, స్క్రీన్ ప్రెజెన్స్ ఇతరులకంటే భిన్నంగా కనిపించేదని ఆమె చెప్పింది. ప్రస్తుతం ఆయన సాధిస్తున్న విజయాలు చూసి తనకు ఎంతో గర్వంగా, ఆనందంగా అనిపిస్తోందని కూడా ఆమె వెల్లడించింది.
తమన్నా చేసిన ఈ వ్యాఖ్యలు అభిమానుల్లో ఆసక్తిని రేకెత్తిస్తున్నాయి. అయితే మరోవైపు కొందరు నెటిజన్లు మాత్రం ఒక విషయం గురించి చర్చిస్తున్నారు. తమన్నా తన కెరీర్లో ఎంతో మంది తెలుగు హీరోలతో కలిసి పనిచేసింది. అందులో చాలామంది టాప్ స్టార్లు కూడా ఉన్నారు. కానీ ఈ కార్యక్రమంలో ఆమె కొందరి పేర్లను మాత్రమే ప్రస్తావించడంతో, మిగతా హీరోలను ఎందుకు ప్రస్తావించలేదనే ప్రశ్నలు కూడా సోషల్ మీడియాలో వినిపిస్తున్నాయి. ఈ విషయం ప్రస్తుతం చర్చనీయాంశంగా మారింది.అయితే సినీ ప్రముఖులు ఇలాంటి కార్యక్రమాల్లో తమకు గుర్తొచ్చిన అనుభవాలను మాత్రమే పంచుకోవడం సహజమే అని మరికొందరు అభిప్రాయపడుతున్నారు. ఏదేమైనా, రెండు దశాబ్దాలుగా ఇండస్ట్రీలో తన అందం, ప్రతిభతో ప్రేక్షకులను అలరిస్తూ వస్తున్న తమన్నా ఇంకా అదే ఉత్సాహంతో కెరీర్ను కొనసాగించడం అభిమానులను ఆనందపరుస్తోంది. కొత్త సినిమాలు, ప్రాజెక్టులతో ఆమె ముందుకు రావాలని అభిమానులు ఆశిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి