మంగళవారం రోజూ వెళ్లేలాగానే ఆ రోజు కూడా ఎంతో ఆనందం, ఉత్సాహంతో స్కూలుకు వెళ్లాడు. మధ్యాహ్నం ఇంటికి వచ్చిన సంజయ్ కుమార్ తన గదిలోకి వెళ్లి తలుపు వేసుకున్నాడు. ఎంత సేపు గడిచినా బయటకు రాకపోవడంతో తల్లిదండ్రులకు అనుమానం కలిగింది. తలుపు కొట్టినా తీయలేదు. దీంతో తల్లిదండ్రులు తలుపులు బద్దలు కొట్టి లోపలకు వెళ్లగా.. అక్కడ కనిపించిన దృశ్యం చూసి ఒక్కసారిగా షాక్ అయ్యారు. లోపల సంజయ్ కుమార్ ఉరి వేసుకుని ఆత్మహత్య చేసుకున్నాడు. తమ పిల్లోడు ఎందుకు ఉరి వేసుకున్నాడో తెలియక తల్లిదండ్రులు వెంటనే పోలీసులకు సమాచార మిచ్చారు. అధికారులు సంజయ్ కుమార్ మృతదేహానికి పోస్టు మార్టం కోసం ప్రభుత్వ ఆసుపత్రికి తరలించారు.
అనంతరం సంజయ్ కుమార్ ఎందుకు ఆత్మహత్య చేసుకున్నాడో దర్యాప్తు జరిపారు. దర్యాప్తులో కారణం తెలుసుకున్న పోలీసులు, తల్లి దండ్రులు కంగుతిన్నారు. సంజయ్ కుమార్ మంగళవారం స్కూలుకు వెళ్లిన సమయంలో జుట్టు ఎక్కువగా ఉందంటూ ఉపాధ్యాయుడు అతడిని మందలించాడు. వెంటనే జుట్టు కత్తిరించుకోవాలని విద్యార్థుల ముందే తిట్టాడు. దీంతో సంజయ్ కుమార్ ఆత్మహత్య చేసుకున్నాడని పోలీసులు అనుమానిస్తున్నారు. ఇదిలా ఉంటే.. సంజయ్ కుమార్ తాను చదువుతున్న క్లాసులోనే ఓ అమ్మాయిని ప్రేమిస్తున్నాడని, ఆమె తన ప్రేమను అంగీకరించకపోవడంతోనే ఆత్మహత్య చేసుకుని ఉండొచ్చని కూడా పోలీసులు అనుమానిస్తున్నారు. ఆ కోణంలోనూ దర్యాప్తు జరుపుతున్నారు.