అయితే ఓ వైపు దేశంలో కరోనా వైరస్ కేసుల సంఖ్య అంతకంతకూ పెరిగిపోతున్నప్పటికీ ప్రజలందరూ మాత్రం ఎంతో నిర్లక్ష్యంగా వ్యవహరిస్తున్నారు. తద్వారా ఎంతో మంది కరోనా వైరస్ రావడానికి కారకులుగా మారిపోతున్నారు. అయితే ఇటీవలే ఉత్తరాఖండ్లో కుంభ మేళా జరిగింది ఈ కుంభ మేళాలో వైరస్ నిబంధనలను ఉల్లంఘించి భారీ సంఖ్యలో భక్తులు పాల్గొన్నారు. ఇక తెలంగాణ నుంచి కూడా ఎంతోమంది ఈ కుంభమేళ లో పాల్గొన్నారు. అయితే ఇటీవలే ఉత్తరఖండ్ లో ముగిసిన కుంభమేళా లో పాల్గొన్న వారు హోమ్ క్వారంటైన్ లో ఉండాలని తెలంగాణ హెల్త్ డైరెక్టర్ శ్రీనివాసరావు సూచించారు.
ఇటీవలే ఉత్తరాఖండ్ లో ముగిసిన కుంభమేళా లో పాల్గొన్న కొంత మందికి కరుణ వైరస్ సోకినట్లు గుర్తించారు ఈ నేపథ్యం లోనే స్పందించిన ఆయన 14 రోజుల పాటు కుటుంబాలకు దూరంగా ఉండాలని ఇక ఇంట్లో ఉన్నా కూడా మాస్కు తప్పని సరిగా ధరించాలి అంటూ సూచిస్తున్నారు.దగ్గు జ్వరం గొంతు నొప్పి ఇలాంటివి ఏమైనా ఉంటే వెంటనే టెస్ట్ చేసుకోవాలని సూచిస్తున్నారు డైరెక్టర్ శ్రీనివాసరావు. ఇక ఏవైనా సందేహాలు ఉంటే నివృత్తి చేసుకోవడానికి వెంటనే ఫోన్ 104 నెంబర్ కి కాల్ చేయాలి అని ఆయన సూచిస్తున్నారు.