ప్రస్తుతం ఏపీలో ప్రధాన సమస్యలుగా ఉన్న వాటిపై జనసేన అధ్యక్షుడు పవన్ కళ్యాణ్ గట్టిగా ఉద్యమిస్తే ఉపయోగం ఉంటుందని, వచ్చే ఎన్నికల్లో ఓటింగ్ శాతం మెరుగుపరుచుకోవడానికి అవకాశం ఉంటుందని చెబుతున్నారు. కేంద్రం అన్ని ప్రభుత్వ సంస్థలను ప్రైవేటీకరణ చేస్తున్న విషయం తెలిసిందే. ఇందులో ఏపీలోని వైజాగ్ స్టీల్ ప్లాంట్ ను కూడా ప్రైవేటీకరణ చేయడానికి పూనుకున్నారు. ఇది తెలుగు ప్రజలను తీవ్రంగా బాధిస్తోంది. ఇప్పుడు పవన్ కళ్యాణ్ ఈ అంశంపై ఒక ప్రణాళిక ప్రకారం పోరాడితే ప్రజల నుండి పూర్తి మద్దతు ఉంటుంది. అలాగే రాష్ట్రంలో అన్ని పార్టీలకు అతీతంగా పోరాటం చేస్తున్నందుకు ప్రజల్లో విశ్వాసం మరింత పెరుగుతుంది.
ఢిల్లీ పెద్దల్లో సైతం చలనం వస్తుంది. ఇంతకు ముందులా ఒకటి రెండు రోజులకు ఈ పోరాటాన్ని పరిమితం చేయకుండా... సుదీర్ఘ కాలంగా ఏదో ఒక విధంగా కొనసాగిస్తే ప్రయోజనం ఉంటుందని రాజకీయ విశ్లేషకులు అభిప్రాయపడుతున్నారు. జనసేనకు ఇది చాలా మంచి అవకాశం అటు వైసీపీ మరియు టీడీపీ పాలనతో విసిగిపోయిన ప్రజలకు ప్రత్యామ్నాయంగా మేమున్నాం అని తెలియచెప్పాలి. ఈ విషయంపై పవన్ కళ్యాణ్ దృష్టి సారించాలి అని పలువురు అభిప్రాయపడుతున్నారు. మరి జనసేనాని ఏ విధంగా తన రాజకీయ ప్రణాళికలను చేస్తాడో తెలియాల్సి ఉంది. ప్రస్తుతం అయితే వరుస సినిమాలతో బిజీగా ఉన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి