అయితే మొదట్లోనే రాజకీయ పార్టీలు కాస్త హడావిడి చేశాయి...తర్వాత నుంచి ఉద్యోగులు, ప్రజా సంఘాలే ఉద్యమాన్ని నడిపిస్తున్నాయి. ఇక తాజాగా పవన్ కల్యాణ్...ఉద్యమానికి మద్ధతు తెలిపారు. అలాగే ప్రయివేటీకరణకు వ్యతిరేకంగా పోరాడాలని పిలుపునిచ్చారు. ఇంతవరకు అంతా బాగానే ఉంది...అయితే పవన్ పోరాడాల్సింది కేంద్రంలోని బీజేపీ ప్రభుత్వంపై..కానీ పవన్ కేంద్రాన్ని ఒక మాట అనకుండా, రాష్ట్రంలోని వైసీపీ ప్రభుత్వాన్ని టార్గెట్ చేశారు.
వైసీపీ పోరాటం చేయాలని, అఖిలపక్షం పెట్టాలని...అలాగే వైసీపీకి వారం రోజులు డెడ్ లైన్ పెడుతున్నాని, ఈలోపు పోరాటానికి సిద్ధం కాకపోతే తన సత్తా ఏంటో చూపిస్తానని అన్నట్లు పవన్ యథావిధిగా నాలుగు డైలాగులు కొట్టారు. ఇదంతా కేంద్రం పరిధిలో ఉంటే పవన్ తమపై పోరాటం చేయడం కరెక్ట్ కాదని, ఎప్పుడో ఉద్యమం మొదలైతే ఇప్పుడు వచ్చి పవన్ హడావిడి చేస్తున్నారని వైసీపీ నేతలు కౌంటర్లు ఇస్తున్నారు.
వైసీపీ స్టీల్ ప్లాంట్ ప్రయివేటీకరణకు వ్యతిరేకంగా పోరాడుతుందని, పార్లమెంట్‌లో తమ ఎంపీలు పోరాడుతున్నారని, సీఎం జగన్...కేంద్రానికి లేఖ రాశారని చెబుతున్నారు. అయితే స్టీల్ ప్లాంట్ ఉద్యమంలో వైసీపీ పోరాటం ఏంటో జనం చూశారు...ఏదో మొక్కుబడిగా మమ అనిపించేలా పోరాటం చేసింది..ఇప్పుడేమో హడావిడిగా చెప్పుకుంటూ...అనవసరంగా ఇరుక్కుపోయింది. అయితే స్టీల్ ప్లాంట్ ఉద్యమం విషయంలో ఏ రాజకీయ పార్టీ కూడా చిత్తశుద్ధితో పోరాటం చేయడం లేదని తెలుస్తోంది...ఎవరికి వారు సొంత రాజకీయ ప్రయోజనాల కోసమే పోరాడుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి