കെപിസിസി കെ വി തോമസിനെതിരായ നടപടി സ്വീകരിക്കും! കെപിസിസിയുടെ നിലപാട് അനുസരിച്ചായിരിക്കും ഹൈക്കമാന്റിന്റെ തീരുമാനം. കെപിസിസിയുടെ നിർദ്ദേശം കെ വി തോമസ് ലംഘിച്ചെന്നും താരിഖ് അൻവർ പറഞ്ഞു. കെ വി തോമസിനെതിരായ നടപടി കെപിസിസിക്ക് തീരുമാനിക്കാമെന്ന് താരിഖ് അൻവർ.സെമിനാറിനെക്കുറിച്ച് കെ വി തോമസ് തന്നോട് പറഞ്ഞിരുന്നു. തോമസിനെതിരെയുള്ള അടുത്ത നടപടി നാളെ തീരുമാനിക്കുമെന്ന് താരിഖ് അൻവർ പറഞ്ഞു. എഐസിസിയുടെ അച്ചടക്ക സമിതി സെക്രട്ടറികൂടിയാണ് താരിഖ് അൻവർ. തന്നെ അപമാനിക്കാനും ഭീഷണിപ്പെടുത്താനുമാണ് കോൺഗ്രസ് നേതാക്കൾ ശ്രമിച്ചതെന്ന് കെ വി തോമസ് പറഞ്ഞു. സെമിനാറിൽ പങ്കെടുക്കുമെന്ന് പറയുമ്പോഴും താൻ പാർട്ടി വിട്ട് പോകില്ലെന്ന് കെ വി തോമസ് വ്യക്തമാക്കിയിട്ടുണ്ട്.
കെപിസിസിയുടേയും ഹൈക്കമാന്റിന്റെയും വിലക്ക് ഉണ്ടെങ്കിലും സിപിഎം പാർട്ടി കോൺഗ്രസ് സെമിനാറിൽ പങ്കെടുക്കുമെന്നാണ് കെ വി തോമസ് വ്യക്തമാക്കിയിരിക്കുന്നത്. പാർട്ടിയിൽ നിന്ന് തന്നെ പുറത്താക്കുമെന്ന് പറഞ്ഞ് ഭീഷണിപ്പെടുത്തുന്നത് ശരിയാണോ? പാർട്ടിയിലൂടെ താൻ പണമൊന്നും സമ്പാദിച്ചിട്ടില്ല. മക്കളാരും തന്നെ രാഷ്ട്രീയത്തിൽ ഇല്ലെന്നും കെ വി തോമസ് വ്യക്തമാക്കി. കെപിസിസിക്ക് തന്നെ പുറത്താക്കാനാകില്ലെന്നും എഐസിസി അംഗമായ തനിക്കെതിരെ ഹൈക്കമാന്റാണ് നടപടി സ്വീകരിക്കേണ്ടതെന്നും തോമസ് വ്യക്തമാക്കിയിരുന്നു. തന്നെ പരമാവധി അപമാനിച്ചെന്നും കടുത്ത സൈബർ ആക്രമണം നേരിട്ടെന്നും കെ വി തോമസ് പറഞ്ഞു.
തിരുത തോമായെന്ന് വിളിച്ച് അപമാനിച്ചു. താൻ മത്സ്യത്തൊഴിലാളി കുടുംബത്തിൽ ജനിച്ചയാളാണ്. അത് തെറ്റാണോ എന്നും വാർത്താ സമ്മേളനത്തിനിടെ കെ വി തോമസ് ചോദിച്ചു. അതേസമയം പാർട്ടിയിൽ നിന്ന് തന്നെ പുറത്താക്കുമെന്ന് പറഞ്ഞ് ഭീഷണിപ്പെടുത്തുന്നത് ശരിയാണോ? പാർട്ടിയിലൂടെ താൻ പണമൊന്നും സമ്പാദിച്ചിട്ടില്ല. മക്കളാരും തന്നെ രാഷ്ട്രീയത്തിൽ ഇല്ലെന്നും കെ വി തോമസ് വ്യക്തമാക്കി. കെപിസിസിക്ക് തന്നെ പുറത്താക്കാനാകില്ലെന്നും എഐസിസി അംഗമായ തനിക്കെതിരെ ഹൈക്കമാന്റാണ് നടപടി സ്വീകരിക്കേണ്ടതെന്നും തോമസ് വ്യക്തമാക്കിയിരുന്നു.
ഒപ്പം സിപിഎം പാർട്ടി കോൺഗ്രസിനോടനുബന്ധിച്ച സെമിനാറിൽ കെവി തോമസ് പങ്കെടുക്കുമോയെന്ന ചർച്ചകൾ പുരോഗമിക്കുന്നതിനിടെ പ്രതികരണവുമായി സിപിഎം കണ്ണൂർ ജില്ലാ സെക്രട്ടറി എംവി ജയരാജൻ. സെമിനാറിൽ പങ്കെടുത്തതുകൊണ്ട് കോൺഗ്രസിൽ നിന്നും പുറത്താക്കപ്പെട്ടാൽ കെവി തോമസ് വഴിയാധാരമാവില്ലെന്ന് അദ്ദേഹം പറഞ്ഞു. കേന്ദ്ര- സംസ്ഥാന ബന്ധങ്ങൾ എന്ന സെമിനാറിൽ പ്രഭാഷണം നടത്താനാണ് കെവി തോമസിനെ ക്ഷണിച്ചത്. ഇന്നത്തെ ഇന്ത്യൻ സാഹചര്യത്തിൽ കോൺഗ്രസിൻറെ ശബ്ദം സിപിഎം സംഘടിപ്പിക്കുന്ന സെമിനാർ വേദിയിൽ പറയാനുള്ള അവസരമാണിത്. കെപിസിസി പ്രസിഡൻറ് ഏർപ്പെടുത്തിയ വിലക്ക് തിരുമണ്ടൻ തീരുമാനമാണ്. ഞങ്ങൾ പ്രതീക്ഷിക്കുന്നത് ഗാന്ധിയൻ പാരമ്പര്യം ഉയർത്തിപ്പിടിക്കുന്ന കോൺഗ്രസിൻറെ പ്രവർത്തകരും നേതാക്കന്മാരും കെവി തോമസിൻറെ വരവ് ആഗ്രഹിക്കുന്നുണ്ടെന്നാണ്. ആ പ്രതീക്ഷയാണ് ഞങ്ങൾ ഇപ്പോഴും വച്ച് പുലർത്തുന്നതെന്ന് എംവി ജയരാൻ ഏഷ്യാനെറ്റ് ന്യൂസിനോട് പറഞ്ഞു.
Find out more:
click and follow Indiaherald WhatsApp channel