പിണറായിയ്ക്ക് തമിഴ്നാട്ടിലും ഫാൻസുണ്ട്, മുഖ്യമന്ത്രിയെ പുകഴ്ത്തി തമിഴ്നാട് മന്ത്രി സ്റ്റാലിൻ! പിണറായി വിജയനെപ്പോലെ ഒരു മുഖ്യമന്ത്രി ഉണ്ടാകണമെന്നാണ് തമിഴ്നാട്ടിലെ ജനങ്ങൾ ആഗ്രഹിക്കുന്നതെന്നും സ്റ്റാലിൻ പറഞ്ഞു. മനോരമ ന്യൂസ് സംഘടിപ്പിച്ച പരിപാടിയിൽ സംസാരിക്കുമ്പോഴായിരുന്നു തമിഴ്നാട് മുഖ്യമന്ത്രി കേരള മുഖ്യമന്ത്രിയെ പുകഴത്തിയത്. കേരളത്തിൽ തനിക്ക് ഫാൻസ് അസോസിയേഷൻ ഉള്ളതു പോലെ തമിഴ്നാട്ടിൽ മുഖ്യമന്ത്രി പിണറായി വിജയനും ആരാധകരുണ്ടെന്ന് തമിഴ്നാട് മുഖ്യമന്ത്രി സ്റ്റാലിൻ. കേരളത്തിൽ തനിക്ക് ഫാൻസ് ഉണ്ടെന്ന വിവരവും സ്റ്റാലിൻ സമ്മതിച്ചു. ഇതോടൊപ്പമായിരുന്നു മുഖ്യമന്ത്രിയെക്കുറിച്ചുള്ള പരാമർശം. "എനിക്ക് കേരളത്തിൽ ഫാൻസ് ഉള്ളതു പോലെ പിണറായി വിജയന് തമിഴ്നാട്ടിലും ഫാൻസ് ഉണ്ട്.
അദ്ദേഹത്തെപ്പോലെ ഒരു മുഖ്യമന്ത്രി വേണമെന്ന് തമിഴ് ജനതയും ആഗ്രഹിച്ചിരുന്നു. അതുകൊണ്ട് മുഖ്യമന്ത്രി പിറണായി വിജയൻ എനിക്കൊരു മാതൃകയാണ്." സ്റ്റാലിൻ വ്യക്തമാക്കി. 23-ാം സിപിഎം പാർട്ടി കോൺഗ്രസിൽ പങ്കെടുത്തപ്പോൾ തനിക്ക് ലഭിച്ച റെഡ് സല്യൂട്ട് ഇപ്പോഴും നെഞ്ചിലുണ്ടെന്നും സ്റ്റാലിൻ വ്യക്തമാക്കി. ഏപ്രിൽ മാസത്തിൽ കണ്ണൂരിൽ സിപിഎം പാർട്ടി പ്രവർത്തകരും സർക്കാരും നൽകിയ സ്വീകരണം മറക്കാൻ കഴിയില്ലെന്നും സ്റ്റാലിൻ പറഞ്ഞു. ചെന്നൈയിൽ നിന്ന് ഓൺലൈനായാണ് സ്റ്റാലിൻ പരിപാടിയിൽ പങ്കെടുത്തത്. പരിപാടിയിൽ മുഖ്യമന്ത്രി പിണറായി വിജയനും പങ്കെടുത്തിരുന്നു. മുഖ്യമന്ത്രി വേദിയിലിരിക്കേയായിരുന്നു സ്റ്റാലിൻ്റെ പരാമർശങ്ങൾ. കണ്ണൂരിൽ സിപിഎം പാർട്ടി കോൺഗ്രസിൽ പങ്കെടുത്തതിനു ശേഷം ഇതാദ്യമാണ് സ്റ്റാലിൻ കേരള രാഷ്ട്രീയത്തെക്കുറിച്ച് അഭിപ്രായ പ്രകടനം നടത്തുന്നത്.
അതേസമയം, രാജ്യത്ത് ഭരണഘടനയില്ലാതെ നമുക്ക് സ്വാതന്ത്ര്യമില്ലെന്നും മതേതരത്വം ഇല്ലാതെ ജനാധിപത്യം ഉണ്ടാകില്ലെന്നും മുഖ്യമന്ത്രി പറഞ്ഞു. ഇതു രണ്ടുമില്ലാതെ സ്വാതന്ത്ര്യം അനുഭവേദ്യമാകില്ലെന്നും ഫെഡറലിസമില്ലാതെ മുന്നോട്ടു പോകാൻ കഴിയില്ലെന്നും മുഖ്യമന്ത്രി ചൂണ്ടിക്കാട്ടി. രാജ്യം വൈവിധ്യങ്ങളെ തള്ളിക്കളയുന്നു എന്നത് പ്രതിലോമകരമാണെന്നും അദ്ദേഹം കൂട്ടിച്ചേർത്തു. മതനിരപേക്ഷതയുടെ കരുത്ത് വളരെ വലുതാണെന്നും രാജ്യത്ത് വർഗീയത വിജയിക്കരുതെന്നും മുഖ്യമന്ത്രി പറഞ്ഞു.
നാട് വളർന്നു വരുന്ന കുട്ടികൾക്കു കൂടിയുള്ളതാണെന്നും കൂടുതൽ വികസനോന്മുഖമായ പദ്ധതികൾ നടപ്പിലാക്കണമെന്നും മുഖ്യമന്ത്രി പിണറായി വിജയൻ അഭിപ്രായപ്പെട്ടു. വിഷൻ ആണ് പ്രധാനമെന്നും പണം പദ്ധതികൾക്കുള്ള പണം പിന്നാലെ വരുമെന്നും മുഖ്യമന്ത്രി കൂട്ടിച്ചേർത്തു. ചെന്നൈയിൽ നിന്ന് ഓൺലൈനായാണ് സ്റ്റാലിൻ പരിപാടിയിൽ പങ്കെടുത്തത്. പരിപാടിയിൽ മുഖ്യമന്ത്രി പിണറായി വിജയനും പങ്കെടുത്തിരുന്നു. മുഖ്യമന്ത്രി വേദിയിലിരിക്കേയായിരുന്നു സ്റ്റാലിൻ്റെ പരാമർശങ്ങൾ.
Find out more:
click and follow Indiaherald WhatsApp channel