![](https://www.indiaherald.com/cdn-cgi/image/width=750/imagestore/images/politics/politics_latestnews/ntrd0355afb-3901-49e5-95cd-37c3ebe84d3e-415x250.jpg)
పాన్ ఇండియా సినిమా వార్-2లో ప్రస్తుతం జూనియర్ ఎన్టీఆర్ కీలక పాత్రలో నటిస్తున్నారు. దానికి సంబంధించిన ఫొటోలు బయటకు వచ్చాయి. అందులో వైట్ షర్ట్ వేసుకుని ఆయన సెట్ నుంచి బయటకు వస్తున్నట్లు ఉంది. అయితే దానిపై సైకిల్ గుర్తు ఉన్నట్లు కొన్ని ఫొటోలను టీడీపీ మద్దతుదారులు క్రియేట్ చేశారు. వాటిని సోషల్ మీడియాలో పోస్ట్ చేశారు. దీంతో టీడీపీకి మద్దతుగా జూనియర్ ఎన్టీఆర్ సపోర్ట్ చేస్తున్నట్లు అంతా భావించారు. అయితే అసలు ఫొటోలలో జూనియర్ ఎన్టీఆర్ షర్టుపై ఎలాంటి గుర్తు లేదు. దీనిని గ్రహించిన వైసీపీ మద్దతుదారులు కూడా ఆ షర్టుపై ఫ్యాన్ గుర్తు ముద్రించారు. ఆయన తమ పార్టీకి మద్దతుగా ప్రచారం చేస్తున్నారని ఊదరగొట్టేస్తున్నారు. దీంతో వైసీపీ, టీడీపీ ఎవరికి వారు జూనియర్ ఎన్టీఆర్ తమకే సపోర్ట్ ఇస్తున్నట్లు చెప్పుకుంటున్నాయి. బహిరంగంగా మద్దతు ఇవ్వకపోయినా జూనియర్ ఎన్టీఆర్ ఎప్పటికీ టీడీపీకి మాత్రమే సపోర్ట్ చేస్తారని రాజకీయ వర్గాల్లో చర్చ సాగుతోంది. అయితే ఆయన బహిరంగంగా టీడీపీకి మద్దతుగా నిలవకపోవడం కొంత ఆశ్చర్యానికి గురి చేస్తోంది.