ఇక గతంలో కేసీఆర్ హయాంలో ఒక్క మంత్రి కూడా గీత దాటలేదు. ఎవరైనా దాటారు అనుకున్న వారిని వెంటనే బర్తరఫ్ చేశారు (ఉదా: రాజయ్య, ఈటల). అందుకే మంత్రులు తమ శాఖల్లో ఏం జరుగుతున్నా కిక్కురుమనేవారు కాదు. కానీ ఇప్పుడు కాంగ్రెస్‌లో మంత్రులు అందరూ రేవంత్ పై ఇష్టం వచ్చినట్లుగా మాట్లాడే పరిస్థితి వచ్చింది. సీనియర్ల ప్రాధాన్యం: చేసిన తప్పిదాలు వెలుగులోకి .. కాంగ్రెస్‌లో రేవంత్ రెడ్డి జూనియర్ అయినప్పటికీ, తన రెక్కల కష్టంతోనే పార్టీని అధికారంలోకి తెచ్చానని ఆయనకు పూర్తి క్లారిటీ ఉంది. అయినప్పటికీ, ఆయన సీనియర్లకు అనవసర ప్రాధాన్యం ఇచ్చారు. సొంత నియోజకవర్గాల్లో కనీస పలుకుబడి లేని సీనియర్లకు కీలక శాఖలు అప్పగించారు. వారి శాఖల్లో జోక్యం చేసుకోకుండా స్వేచ్ఛనిచ్చిన కారణంగా, ఇప్పుడు వారు చేసిన తప్పులకు కూడా తానే బాధ్యత వహించాల్సి వస్తోంది.
అంతేకాక, తప్పులు చేసిన వారే తిరిగి రేవంత్ మీదే నిందలేస్తున్నారు. బ్లాక్ మెయిల్ రాజకీయానికి చెక్: రేవంత్ ప్రణాళిక .. "తమ మాట నెగ్గకపోతే మీరు ఎంతో చేశారని ఆరా తీస్తామని" అంటూ కొంత మంది మంత్రులు బ్లాక్ మెయిల్ తరహాలో ప్రవర్తించడం పరిస్థితి తీవ్రతను తెలియజేస్తోంది. దీంతో ప్రతిపక్షంలో చేయాల్సిన రాజకీయం వేరు, అధికారంలో చేయాల్సిన రాజకీయం వేరు అని రేవంత్ రెడ్డికి స్పష్టమైంది. అందుకే ఆయన ఇక తనదైన రాజకీయం చేయాలని నిర్ణయించుకున్నట్లు సమాచారం. గుప్పిట్లోకి సమాచారం: మంత్రుల గుట్టంతా తన గుప్పిట్లోకి తెచ్చుకుని సిద్ధంగా ఉంటారు. కఠిన చర్యలు: ఎవరైనా తోక జాడించినప్పుడల్లా ఒక్కొక్కటిగా వారి వ్యవహారాలను బయట పెట్టి, వారి సంగతి తేలుస్తారని అంటున్నారు. కేసీఆర్ తలచుకుంటే ఈటల రాజేందర్‌కు ఎలాంటి పరిస్థితి ఎదురైందో, రేవంత్ తలచుకుంటే కాంగ్రెస్‌లోని సోకాల్డ్ సీనియర్లకూ అంత కంటే దారుణమైన పరిస్థితి ఎదురవడం పెద్ద విషయం కాదని రాజకీయ విశ్లేషకులు చెబుతున్నారు. ఈ కొత్త కఠిన రాజకీయానికి రేవంత్ మొగ్గు చూపడంతో, ఇక కాంగ్రెస్‌లో అసలు రాజకీయం ప్రారంభమయ్యే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి