అయితే ఢిల్లీ జట్టు ఇలా వరుసగా ఓటమీపాలు కావడానికి కారణం ఇక ఆ జట్టు టాప్ ఆర్డర్ విఫలం కావడమే అన్నది తెలుస్తుంది. ఈ క్రమంలోనే ఢిల్లీ బ్యాటింగ్ విభాగం పై తీవ్రస్థాయిలో విమర్శలు వెల్లువెత్తుతున్నాయి. ముఖ్యంగా ఎన్నో అంచనాలు ఉన్న పృథ్వి షా పేలవ ప్రదర్శన చేస్తున్నాడు. ఇక ఇటీవల ఇదే విషయంపై భారత మాజీ ఓపెనర్ వీరేంద్ర సెహ్వాగ్ స్పందిస్తూ షాకింగ్ కామెంట్స్ చేశాడు. పృథ్వి షా ప్రదర్శనను ఋతురాజ్ గైక్వాడ్, శుభమన్ గిల్ లతో పోల్చుతూ విమర్శలు గుప్పించాడు. వాళ్లని చూసి నేర్చుకో అంటూ పృథ్వి షాకు చివాట్లు పెట్టాడు అని చెప్పాలి.
అండర్ 19 ప్రపంచ కప్ తర్వాత పృథ్వి షా ప్రదర్శన క్రమక్రమంగా తగ్గుతుంది అంటూ వీరేంద్ర సెహ్వాగ్ అభిప్రాయపడ్డాడు. అదే టోర్నీలో పృథ్విషాకు సహచర ఆటగాడిగా ఉన్న శుభమన్ గిల్ మాత్రం ప్రస్తుతం అన్ని ఫార్మాట్ లలో రాణిస్తున్నాడని చెప్పుకొచ్చాడు వీరేంద్ర సెహ్వాగ్. ఒకే రకమైన షాట్లు ఆడటం ద్వారానే పృథ్వి షా చాలా సార్లు అవుట్ అవుతున్నాడు. అయితే అతను తప్పుల నుంచి నేర్చుకోవాలి కదా. కానీ నేర్చుకోవడం లేదు. శుభమన్ గిల్ చూడండి షా తో కలిసి అండర్ 19 క్రికెట్ ఆడాడు. ఇప్పుడు టెస్ట్ వన్డేలు టీ20 లో రాణిస్తున్నాడు. కానీ షా ఇంకా ఐపీఎల్ లోనే ఇబ్బంది పడుతున్నాడు. మరోవైపు రుతురాజు గైక్వాడ్ సైతం మంచి ప్రదర్శన చేస్తున్నాడు. కానీ షా ప్రదర్శన మాత్రం అస్సలు మారడం లేదు అంటూ అసంతృప్తి వ్యక్తం చేశాడు.
