సనాతన ధర్మంలో రామ భక్త హనుమాన్ కి ప్రత్యేక స్థానం ఉంది అన్న విషయం అందరికీ తెలిసిందే. హనుమంతుడిని ఆరాధిస్తే అన్ని కష్టాలు తొలగిపోతాయని కోరుకున్న కోరికలు నెరవేరుస్తాడు అని.. భక్తుల అపారమైన నమ్మకం . అలా జరిగిన ఎన్నో ఇన్సిడెంట్స్ ని ఎగ్జాంపుల్స్ గా చెప్తూ ఉంటారు . ప్రతి యుగంలోనూ పిలిచిన వెంటనే తన భక్తులకు సహాయం చేయడానికి వాయువేగంతో వస్తాడు ఆంజనేయ స్వామి అని పురాణాలు చెబుతున్నాయి. హనుమంతుడిని పూజించడానికి మంగళవారం ఎందుకు ఉత్తమమైన రోజుగా పరిగణిస్తారు అంటే.." కేసరి , అంజన దంపతుల కుమారుడైన హనుమాన్ చైత్రమాసం మొదటిరోజున జన్మించాడు".
ఆరోజు మంగళవారం ఆ విధంగా భక్తులు మంగళవారం ఆంజనేయస్వామికి పూజ జరుపుకుంటారు . అంతేకాదు మంగళవారం నాడు పవనపుత్రుడిని పూజిస్తే కష్టాలన్నీ తొలగిపోతాయని కూడా నమ్ముతూ ఉంటారు . అంతేకాదు రామాయణానికి మంగళవారానికి కూడా ఒక అనుబంధం ఉంది అని పురాణాలు చెబుతున్నాయి . సీతాదేవిని రావణాసురుడు అపహరించే లంకలో దాయగా.. వాయు పుత్రుడు ఆమె జాడ కోసం వెతికి లంకలో ఉన్నట్లు గుర్తించిన రోజు కూడా మంగళవారం అని పండితులు చెబుతూ ఉంటారు. ఈ కీలక సందర్భం హనుమాన్ దృఢమైన నిబద్ధత విరోచిత ధైర్యాన్ని ప్రదర్శిస్తుంది అని కూడా చెబుతూ ఉంటారు . ఈ సందర్భాన్ని పురస్కరించుకొని మంగళవారంనాడు భక్తులు హనుమాన్ దేవాలయాలను సందర్శిస్తే ఇంకా మంచి జరుగుతుంది అని రామాయణాన్ని పారాయణం చేస్తూ ఉంటారు కొంతమంది భక్తులు. ఆ విధంగా మంగళవారం అంటే ఆంజనేయస్వామికి చాలా చాలా ప్రీతికరమైన రోజుగా పండితులు చెబుతున్నారు..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి