అయితే తన కెరీర్కు రిటైర్మెంట్ ప్రకటించినప్పటికీ అటు ఐపీఎల్ లో మాత్రం చెన్నై సూపర్ కింగ్స్ తరపున ఆడుతూ ప్రస్తుతం అభిమానులను అలరిస్తున్నాడు సురేష్ రైనా. అయితే ఇటీవలి కాలంలో సురేష్ రైనా సోషల్ మీడియాలో ఎంతో యాక్టివ్ గా ఉంటున్నాడు అటు క్రికెట్కు సంబంధించిన పలు విషయాలను అభిమానులతో పంచుకోవడమే కాదు... మరోవైపు ఎన్నో సేవా కార్యక్రమాలు చేస్తూ అందరికీ ఆదర్శంగా నిలుస్తున్నారు. కాగా ఒకానొక సమయంలో రాహుల్ ద్రావిడ్ తో తనకు ఎదురైన ఒక అనుభవం గురించి ఇటీవలే సురేష్ రైనా సోషల్ మీడియా వేదికగా అభిమానులతో పంచుకున్నాడు.
టీమిండియా మాజీ కెప్టెన్ రాహుల్ ద్రావిడ్ ఓ సమయంలో తన తీరుపై ఆగ్రహం వ్యక్తం చేసి తిట్టాడు అన్న విషయాన్ని ఇటీవల సురేష్ రైనా చెప్పుకొచ్చాడు. ఆరోజు తన తప్పు కూడా ఉండడం వల్ల రాహుల్ ద్రావిడ్ తిట్టాడు అంటూ తెలిపాడు. 2006 సంవత్సరంలో ఓ సిరీస్ ఆడుతున్న సమయంలో FCUk అని పేరు రాసిన టీ షర్ట్ ని ధరించానని.. ఆ సమయంలో రాహుల్ ద్రావిడ్ తన పట్ల ఎంతో ఆగ్రహం వ్యక్తం చేశాడు అంటూ చెప్పుకొచ్చాడు. నువ్వు ఎలాంటి దుస్తులు ధరించి ఎక్కడ తిరుగుతున్నావో తెలుసా... నువ్వు భారత క్రికెటర్ అలాంటి పదాలు ఉన్న టీషర్టులు ధరించకూడదు అంటూ రాహుల్ ద్రవిడ్ తిట్టాడు అంటూ సురేష్ రైనా తెలిపాడు. దీంతో వెంటనే ఇక ఆ టి షర్టు నూ చెత్తకుండీలో పడేసాను అంటూ చెప్పుకొచ్చాడు.
