వావ్ ఐఫోన్ ప్రియులకి గుడ్ న్యూస్...! ఇప్పుడు ప్రముఖ స్మార్ట్ ఫోన్ బ్రాండ్ యాపిల్ త్వరలో మరో బడ్జెట్ ఐఫోన్‌ను విడుదల చేయనుంది అని సమాచారం. అదే ఐఫోన్ 12 మినీ. ఈ  పేరుతో ఈ ఫోన్ రాబోతోందని తెలుస్తోంది. మరి ఆ ఫోన్ ఫీచర్స్ ఇవే... పూర్తి వివరాల్లోకి వెళితే.....ఐప్యాడ్ మినీ, మ్యాక్ మినీల తరహాలో ఈ ఐఫోన్ 12లో కూడా మినీ వెర్షన్ రానుంది. ఇప్పటి వరకు ఐఫోన్‌లో మినీ వెర్షన్‌ను యాపిల్ లాంచ్ చేయలేదు. ఇదే మొదటి సారి కావడం విశేషం. అది కూడా బడ్జెట్ లోనే ఉండడం మరో విశేషం.

ఈ విషయాన్ని ప్రముఖ టిప్‌స్టర్ లవ్‌టుడ్రీమ్  తెలియజేయడం జరిగింది. ఐఫోన్ 12 సిరీస్‌లో ఐఫోన్ 12 మినీ, ఐఫోన్ 12, ఐఫోన్ 12 ప్రో, ఐఫోన్ 12 ప్రో మ్యాక్స్ ఫోన్లు రానున్నట్లు ఈయన వెల్లడించారు. అయితే ఐఫోన్ 12 మినీ బ్యాక్ కవర్లు, కేసులు కూడా లాంచ్ అయినట్లు మరో టిప్ స్టర్ ద్వారా తెలిసింది. ఈ రానున్న ఐఫోన్ 12 మినీలో 5.4 అంగుళాలు, ఐఫోన్ 12లో 6.1 అంగుళాల స్క్రీన్ ఉన్నట్టు తెలుస్తోంది. అలానే  ఐఫోన్ 12 మినీ డిజైన్.. ఐఫోన్ ఎస్ఈ 2020 తరహాలో ఉండనుందని కూడా అర్ధం అవుతోంది. మరి ధరని బట్టి వినియోగదారులు ఫోన్ ని కొనుగోలు చెయ్యవచ్చు.

ఇది ఇలా ఉండగా ఎప్పుడు మనం అనేక రూమర్స్ ని వింటాం. అందులోను  కొత్త ఐఫోన్ల గురించి పుకార్లు రావడం కొత్త కాదు. ఎప్పటికప్పుడు ఏదో ఒకటి మనం వినడం సహజమే. కానీ ఐఫోన్లలో మినీ అనే పదాన్ని ఉపయోగించడమే చాల కొత్తగా ఉంది. ఇప్పటి వరకు కూడా శాంసంగ్ XR, SE వంటి పేర్లను తక్కువ ధర ఫోన్లకు ఉపయోగించింది. వచ్చే నెల వర్చువల్ ఈవెంట్‌ లో ఈ ఫోన్ గురించి చెప్పనున్నట్టు సమాచారం.




మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

india-herald-phone 2020 good news v good newwz

Suma Kallamadi

28/09/2020 01:00 PM