అందుబాటులో ఉన్న డేటా ప్రకారం, అరేబియా సముద్రంలో సంభవించిన వాటి కంటే 86% తుఫానులు మరియు 77% తీవ్రమైన తుఫానులు బంగాళాఖాతంలోనే ఉద్భవించాయి. దీనికి ప్రధాన కారణం: తుఫానులు ఏర్పడటానికి అవసరమైన వెచ్చని నీరు, అనుకూలమైన గాలుల ప్రవాహం (Wind Shear తక్కువగా ఉండటం) అరేబియా సముద్రం కంటే బంగాళాఖాతంలో అధికంగా ఉండటమే. చరిత్రలో నమోదైన అత్యంత ఘోరమైన 36 తుఫానులలో 26 బంగాళాఖాతంలోనే సంభవించాయంటే దీని తీవ్రత అర్థం చేసుకోవచ్చు. అత్యధిక నష్టం ఎవరికి? .. బంగాళాఖాతం తీరంలో భారతదేశంతోపాటు శ్రీలంక, మయన్మార్, బంగ్లాదేశ్, ఇండోనేషియా దేశాలు ఉన్నాయి. ఈ సముద్రంలో ఉద్భవించిన తుఫాన్ల వల్ల అత్యధికంగా నష్టపోతున్న దేశం బంగ్లాదేశ్. భారతదేశంలో, తీర ప్రాంత రాష్ట్రాలైన పశ్చిమ బెంగాల్, ఒడిశా, ఆంధ్రప్రదేశ్, తమిళనాడులు తుఫానుల ముప్పును ఎదుర్కొంటున్నాయి. వీటిలో ఒడిశా మరియు పశ్చిమ బెంగాల్ ఎక్కువ నష్టాన్ని చవిచూస్తున్నాయి.
భోలా విషాదం: ప్రపంచంలోనే అత్యంత ఘోరమైన విపత్తు .. చరిత్రలో నమోదైన అత్యంత ఘోరమైన తుఫానులలో ఒకటి బంగాళాఖాతంలోనే సంభవించింది. 1970 నవంబరు 12న ఏర్పడిన భోలా తుఫాను వల్ల దాదాపు మూడు నుంచి ఐదు లక్షల మంది మరణించినట్లు అంచనా. ఈ తుఫాను ప్రభావం బంగ్లాదేశ్‌తో పాటు పశ్చిమ బెంగాల్‌లోని గంగా డెల్టా ప్రాంతాన్ని అతలాకుతలం చేసింది. ప్రపంచ చరిత్రలో ప్రాణనష్టం పరంగా ఇది అత్యంత ఘోరమైన ప్రకృతి విపత్తుగా నిలిచింది. అదేవిధంగా, 1999లో ఒడిశాను అతలాకుతలం చేసిన సూపర్ సైక్లోన్ పది వేల మంది ప్రాణాలను బలిగొంది. 2014లో ఆంధ్రప్రదేశ్‌ను తాకిన హుద్‌హుద్ తుఫాను వల్ల కూడా సుమారు 21 వేల కోట్ల ఆస్తినష్టం సంభవించింది. ఈ లెక్కలు బంగాళాఖాతం నుంచి వచ్చే విపత్తు తీవ్రతను స్పష్టం చేస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి