ఎన్నో ప్రమాణాలు చేసి సమయం వచ్చినప్పుడు వాటిని మరిచిపోతున్న మనుషులు కనిపిస్తున్న నేటి రోజుల్లో ప్రజల కోసం పోరాడి ఇక న్యాయం చేయకపోతే ప్రాణాలు వదులుతా అంటూ శపథం చేసిన ఒక వ్యక్తి చివరికి తన పోరాటం ఫలించకపోవడంతో ఇచ్చిన మాట ప్రకారం తన ప్రాణాన్ని వదలడానికి కూడా సిద్ధమైన ఘటన అందరిని ఆశ్చర్యానికి గురి చేస్తుంది అని చెప్పడంలో అతిశయోక్తి లేదు. తాను చిన్నప్పటి నుంచి నీళ్లు పోసి పెంచిన చెట్టుకే ఉరివేసుకొని ఆత్మహత్య చేసుకున్నాడు వ్యక్తి.
ఈ ఘటన స్థానికులను కూడా అవాక్కయ్యేలా చేసింది అని చెప్పడం లో అతిశయోక్తి లేదు. ప్రముఖ పర్యావరణ వేత్త కర్ణాటకకు చెందిన సాలుమరద వీరాచారి ఇటీవలె ఆ నీరు పోసి పెంచిన చెట్టుకు ఉరివేసుకుని బలవన్మరణానికి పాల్పడ్డాడు. అయితే మిట్ల కట్టే గ్రామంలోని రేషన్ షాపులో అక్రమాలు జరుగుతున్నాయి అంటూ ఆయన ఆరోపించాడు. ఇది నిరూపించేందుకు సుమారు 20 ఏళ్లుగా పోరాడుతూనే ఉన్నాడు. నిత్యావసరాల పంపిణీ సక్రమంగా జరిగేలా చూస్తానని లేదంటే ఉరివేసుకొని చస్తాను అంటూ శపథం చేశాడు. ఎంత పోరాడినా అన్యాయమే పైచేయి సాధించింది అని మనస్థాపంతో ఇచ్చిన మాట ప్రకారం ఉరివేసుకున్నాడు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.